TikTok Avropada daha bir məlumat mərkəzi qurmağı planlaşdırır

TikTok gələn il ərzində Finlandiyada ikinci məlumat mərkəzinin tikintisinə 1 milyard avro sərmayə qoymağı planlaşdırır Bu barədə Reuters agentliyinə şirkətin nümayəndələri məlumat verib Yeni məlumat mərkəzi ölkənin cənubundakı Lahti şəhərində yerləşəcək. Şirkət bildirib ki, investisiya regionda 200 milyondan çox istifadəçi üçün yüksək məlumatların qorunmasını təmin edən 12 milyard avro dəyərində Avropa Məlumat Suverenliyi Təşəbbüsünün bir hissəsidir TikTok-un Avropa istifadəçi məlumatları hazırda Norveç, İrlandiya və ABŞ-dakı mərkəzlərdə gücləndirilmiş təhlükəsizlik tədbirləri altında saxlanılır. Kouvoladakı ilk Fin məlumat mərkəzinin bu ilin sonuna qədər, ikincisinin isə Lahtidə 2027-ci ildə istifadəyə verilməsi planlaşdırılır Lahti şəhərinin meri şirkətin qərarını alqışlayıb və bunun şəhər üçün əhəmiyyətli investisiya olduğunu qeyd edərək, layihənin plana uyğun şəkildə davam etdiyini bildirib Fevralın əvvəlində Almaniyanın mədəniyyət naziri Volfram Veymer məlumatların təhlükəsizliyi və regiondan kənara ötürülməsi ilə bağlı narahatlıqlarını ifadə edərək, TikTok-un Avropa şirkətlərinə ötürülməsini təklif etmişdi. Şirkət həmçinin 13 yaşdan kiçik uşaqların mühafizəsi qaydalarına riayət etmək üçün Avropada istifadəçilərin yaşını müəyyən etmək üçün texnologiya tətbiq etməyə başlayıb