Tacikistandan köçürülən evlər sərhəd münaqişəsində evi yananlara veriləcək

Tacikistanla sərhədin müəyyənləşdirilməsi müqabilində Qırğızıstan tərəfinə verilən 200-dən çox evin sərhəd münaqişəsinin qurbanları üçün paylanması nəzərdən keçirilir. Bu barədə AzadlıqRadiosuna prezidentin Batkəndəki səlahiyyətli nümayəndəsi Mamirjan Rəhimov məlumat verib Onun sözlərinə görə, ötən il Qırğızıstan-Tacikistan sərhədinin dəqiqləşdirilməsi işləri çərçivəsində Tacikistandan Qırğızıstana 213 yaşayış evi verilib. Bu evlərdə xüsusi komissiya işləyir və onun nəticələri yaxın həftələrdə açıqlanacaq. A.Rəhimov bildirib ki, 2021 və 2022-ci illərdə sərhəd münaqişələrində evləri yanmış şəxslər üçün adı çəkilən evlərə baxılır: "Artıq sərhəd münaqişələrində yanan evlərin sayını təsdiqləyib məlumat göndərmişik. Onlar ikinci ev kimi veriləcək. Tacikistandan köçürülən evlər kifayət edəcək". Uzun müddətdir davam edən sərhəd mübahisəsinə son qoyulub. 2025-ci ilin sonunadək dəyişdirilən mənzillərin təhvil verilməsi prosesi başa çatıb. Hazırda sərhəddə naqillərin çəkilməsi işləri aparılır. Sərhəd dəqiqləşdirilməmişdən əvvəl silahlı qarşıdurmalar və insanların ölümünə səbəb olan faciəli hadisələr baş verdi 2021-ci ilin aprelində 36 Qırğızıstan vətəndaşının, Tacikistan tərəfdən isə 19 nəfərin öldürüldüyü rəsmən açıqlanıb. 2022-ci ilin sentyabrında baş verən qarşıdurmada Qırğızıstan ən azı 75 vətəndaşını itirib, Tacikistan Xarici İşlər Nazirliyi isə 41 vətəndaşın həlak olduğunu bildirib. (JsA)