Tacikistanda çayda boğulan əsgərin meyiti 10 gündən sonra tapılıb

Tacikistan Müdafiə Nazirliyinin hərbi hissəsində xidmət edən 23 yaşlı Şahboz Conməhmədzodanın meyiti tapılıb. O, on gün əvvəl Kafirniqan çayında boğularaq ölüb Mayın 6-da mərhumun qohumlarından biri AzadlıqRadiosunun tacik xidmətinə bildirib ki, onun meyiti Özbəkistanın Reqar rayonu ilə Surxandərya vilayətinin sərhəddində tapılıb Məlumata görə, Şahbozun atası oğlunun cəsədi ilə tabutu Özbəkistan ərazisindən keçməklə Tacikistana gətirib. Dəfn mərasimi mayın 6-da Faizabad rayonunun Feyzabad kəndində keçirilib Aprelin 27-də çaya atılan Şahboz Conməhmədzoda axtarışa verilib Onun anası Kurbangul Aşurova əvvəllər AzadlıqRadiosunun tacik xidmətinə bildirib ki, oğlu hadisədən əvvəl zəng edib və “səhv edibsə, bağışlanmasını istəyib” Hadisənin səbəbləri hələlik rəsmi olaraq açıqlanmayıb İstintaqla tanış olan mənbə “Azadlıq”a bildirib ki, iki əsas versiya nəzərdən keçirilir. Onlar əsgərlikdə pis rəftar və ailə problemləridir Yaxınlarının verdiyi məlumata görə, Şahboz Duyşombu şəhəri yaxınlığında yerləşən bölmədə xidmət edirmiş. O, on günlük məzuniyyət götürüb və evinə Faizabad rayonuna qayıdıb O, aprelin 28-də hərbi hissəyə qayıtmalı olub. Amma ondan bir gün əvvəl saçını qırxdıracağını deyib evdən çıxıb. Daha sonra Vəhdət şəhərinə gedərək özünü çaya atıb Şahboz Conməhmədzoda bir il əvvəl ailə qurub, beş aylıq bir oğlu qalıb Aprel ayında Tacikistan ordusunda hərbçilərin ölümü ilə bağlı hadisələr ictimaiyyətdə böyük rezonans doğurmuşdu. Son bir ayda ən azı üç əsgər həlak olub Bundan sonra Tacikistan prezidenti Emoməli Rəhmon təhlükəsizlik qüvvələrini və ordu rəhbərliyini nizam-intizam məsələsinə ciddi diqqət yetirməyə çağırıb Prezidentin mətbuat xidmətinin mayın 4-də verdiyi məlumata görə, Tacikistan Təhlükəsizlik Şurasının iclasında yaz aylarında hərbi xidmətə çağırış, silahlı qüvvələrdə və digər qüvvələrdə asayişin təmin edilməsi məsələləri müzakirə olunub