Daşkənddə Mərkəzi Asiya və ABŞ mədəniyyət nazirlərinin görüşü keçirilib

İyunun 5-də Daşkənddə Mərkəzi Asiya ölkələri və Amerika Birləşmiş Ştatlarının mədəniyyət nazirlərinin “C5+1” formatında görüşü keçirilib. Mədəniyyət, İnformasiya və Gənclər Siyasəti Nazirliyindən verilən məlumata görə, tədbirdə ABŞ dövlət katibinin ictimai diplomatiya üzrə müavini Sara Rocers iştirak edib Tərəflər mədəni əməkdaşlığın gücləndirilməsi, tarixi-mədəni irsin qorunması, humanitar əlaqələrin inkişafı və birgə beynəlxalq layihələrin həyata keçirilməsi məsələlərini müzakirə ediblər Nazir Mirbek Mambetaliev mədəni irsin qorunub saxlanmasının vacibliyini və Böyük İpək Yolu çərçivəsində beynəlxalq əməkdaşlığın inkişaf etdirilməsinin zəruriliyini vurğulayıb. O, həmçinin Qırğızıstanda mədəniyyət yerlərinin rəqəmsallaşdırılması və YUNESKO-nun Ümumdünya İrs Siyahısına daxil edilmiş obyektlərin mühafizəsi istiqamətində aparılan işlər barədə məlumat verib Bundan əlavə, nazir iyunun 7-12-də Bişkekdə keçiriləcək IV Bişkek Beynəlxalq Film Festivalı haqqında danışıb və nümayəndə heyətlərini qarşıdan gələn VI Dünya Köçəri Oyunlarında iştiraka dəvət edib Bu il Dünya Köçəri Oyunları Qırğızıstanda avqustun 31-də başlayacaq və sentyabrın 6-da başa çatacaq.(KE)