Qırğızıstanda 34 kq narkotik vasitəni Özbəkistana apararkən şübhəli şəxslər saxlanılıb

Qırğızıstanın Batken vilayətindən Özbəkistana 34 kiloqram narkotik vasitə daşımaqda şübhəli bilinən şəxslər saxlanılıb. Bu barədə Qırğızıstanın Daxili İşlər Nazirliyi məlumat yayıb Nazirlikdən verilən məlumata görə, cinayət işi Qırğızıstan Respublikası Cinayət Məcəlləsinin narkotik vasitələrin qanunsuz hazırlanması və satışına görə məsuliyyət müəyyən edən 282-ci maddəsi ilə araşdırılır İstintaqla müəyyən edilib ki, hüquq-mühafizə orqanlarına 1993-cü il təvəllüdlü E.E.Y. adlı vətəndaşın daha sonra satmaq üçün külli miqdarda həşişin Tacikistandan Qırğızıstana gətirilməsini təşkil etməsi barədə məlumat daxil olub Şübhəli şəxs narkotik vasitəni satmaq istəyərkən saxlanılıb. Daxili İşlər Nazirliyinin əməkdaşları axtarış zamanı onun üzərində və avtomobilində sarı yapışqanla bükülmüş 3 ədəd bağlama aşkar ediblər. Müsadirə edilən maddənin ümumi çəkisi üç kiloqrama yaxın olub Daha sonra saxlanılan şəxsin yaşadığı ünvana baxış zamanı, içərisində ümumi çəkisi 31 kiloqram 398 qram olan 31 ədəd analoji bağlamada narkotik vasitə aşkar edilib. Nəticədə götürülmüş narkotik partiyasının ümumi çəkisi 34 kiloqram 448 qram təşkil edib Müsadirə olunan maddələrin dəqiq tərkibinin müəyyən edilməsi üçün məhkəmə-kimyəvi ekspertizası təyin edilib. Müstəntiqlər beynəlxalq narkotik ticarəti kanalının mümkün mövcudluğunu nəzərdən keçirirlər. Daxili İşlər Nazirliyinin məlumatına görə, narkotik vasitələr Tacikistandan Qırğızıstan ərazisindən Özbəkistana aparılıb Özbəkistanda da əlavə əməliyyat tədbirləri həyata keçirilib. Nəticədə Özbəkistan hüquq-mühafizə orqanları 14 kiloqram həşiş və bir kiloqram tiryək götürüb, cinayətkar qruplaşmada iştirakda şübhəli bilinən 1995-ci il təvəllüdlü X.T.T. adlı vətəndaşı saxlayıb. Səlahiyyətlilər hazırda narkotik təchizatı kanalının bütün iştirakçılarını və daşınma üçün istifadə olunan marşrutları müəyyənləşdirir Bundan əvvəl Namanqan rayonunun Çust rayonunda təsərrüfat bağında bitən 517 ədəd xaşxaş bitkisi aşkarlanan şəxs saxlanılıb