Ardıcıl 4 penaltini dəf edən Motta komandasını təkbaşına finala çıxarıb

İtaliya kubokunun yarımfinalında “Atalanta” və “Latsio” komandaları 2:2 hesablı heç-heçənin cavab görüşündə üz-üzə gəlib. "New Balance Arena"da keçirilən matçın əsas vaxtı 1:1 hesablı heç-heçə ilə yekunlaşıb "Latsio"nun qolu 84-cü dəqiqədə Alessio Romaqnolidən gəlsə də, "Atalanta" 86-cı dəqiqədə Mario Pasaliçlə hesabı bərabərləşdirib və matç əlavə vaxta gedib. Əlavə vaxtda qapılara qol vurulmadığından görüş penaltilərə qədər gedib Penaltilər seriyasında rəqibi üzərində 2:1 hesablı üstün olan "Latsio" finala vəsiqə qazanıb. "Latsio"nun qapıçısı Edoardo Motta penaltilər seriyasında ardıcıl 4 seyv edərək gecənin ulduzu olub. Finalda Hakan Çalhanoğlunun çıxış etdiyi "İnter"in rəqibi "Latsio" olub Matçdan sonra İtaliya mətbuatında "Latsio"nun ulduz qapıçısı Edoardo Motta haqqında təəccüblü fikirlər səsləndirilib. La Gazzetta dello Sport Motta haqqında "Milyonların qəhrəmanı!", Corriere dello Sport isə onu "Penalti canavarı" kimi qiymətləndirib