ABŞ Azərbaycanın enerji sektorunda iştirakını artırmağa çalışır

ABŞ Azərbaycanın inşa etdiyi boru kəmərinin və digər enerji infrastrukturunun inkişafında daha böyük rol oynamağa çalışır Day.Az Trend-ə istinadən xəbər verir ki, bunu Bakıda keçirilən Birinci Azərbaycan-Amerika İqtisadi Dialoqu çərçivəsində jurnalistlərə brifinqdə ABŞ dövlət katibinin iqtisadiyyat, enerji və biznes məsələləri üzrə köməkçisi Kaleb Orr deyib "Bu iqtisadi dialoqun məqsədi iqtisadi təkliflərimizi bir araya gətirmək, onların həyata keçirilməsi üçün plan hazırlamaq və nəzərəçarpacaq irəliləyiş əldə etməkdir, çünki sülhün nəhayətdə iqtisadi tərəqqiyə olan ümumi maraq əsasında qurulmasıdır", - Orr deyib O qeyd edib ki, hazırda Azərbaycan və ABŞ bir neçə təşəbbüs üzərində işləyir "İlk növbədə qeyd etmək istərdim ki, enerji sektoruna artıq konkret Amerika investisiyaları daxil olur və biz onları artırmaq niyyətindəyik. Bakıda olduğumuz müddətdə Bakı Enerji Həftəsi çərçivəsində biz ExxonMobil ilə görüş keçirdik. Ötən il Bakı Enerji Həftəsində ExxonMobil Azərbaycanda yeni geoloji kəşfiyyat işlərinə dair anlaşma memorandumu imzalayıb. Dünən Bakı Enerji Həftəsində, Azərbaycan ərazisindən keçən tranzitlə bağlı infrastruktur layihələri, biz bu konkret layihələrin həyata keçirilməsini dəstəkləyirik”, - Orr bildirib Onun sözlərinə görə, ABŞ Azərbaycanın yaratdığı boru kəməri və digər enerji infrastrukturunun inkişafında daha əhəmiyyətli rol oynamaq istəyir "Biz gözləyirik ki, "Tramp marşrutu" vasitəsilə Azərbaycan Avropa və dünyanın digər regionlarına enerji tranziti üçün Orta Dəhlizin mərkəzi mərkəzi rolunu gücləndirə biləcək. Biz inanırıq ki, Azərbaycan bu gün dünya üçün mühüm enerji istehsalçısıdır və Birləşmiş Ştatlar bu əlaqələrdən əhəmiyyətli dərəcədə faydalanır. Biz bu əməkdaşlığın növbəti illərdə əhəmiyyətli dərəcədə genişlənəcəyini gözləyirik", - o deyib Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin