Tramp və Netanyahu arasında təcili söhbət - 00:36 yenilənib

Vaşinqtonun həll təklifinə Tehranın cavabından sonra ABŞ prezidenti Donald Tramp İsrailin baş naziri Benyamin Netanyahu ilə telefon danışığı aparıb. Bu barədə Ynet portalı məlumat yayıb İki lider arasındakı söhbətin məzmunu verilmir Mayın 10-da Pakistan tərəfinin münaqişənin həlli ilə bağlı Amerikanın təklifinə İranın cavabını ABŞ nümayəndələrinə çatdırdığı bildirilib. Tasnim xəbər verir ki, İran münaqişənin həlli üçün Vaşinqtonla potensial razılaşmanın bağlanmasından sonra 30 gün ərzində öz neftinin ABŞ sanksiyalarından çıxarılmasını tələb edib. Mənbə bildirib ki, sənəddə həmçinin İranın aktivlərinin dondurulması, limanlarındakı dəniz blokadasının aradan qaldırılması, bütün cəbhələrdə müharibənin dərhal dayandırılması və İrana qarşı hər hansı yeni hücumlara qarşı təminatlar da yer alır İsrailin baş naziri Benyamin Netanyahu ABŞ prezidenti Donald Trampla təcili telefon danışığına istinad edərək, Ölü dənizdə keçirilən druz və çərkəz yerli şuraları rəhbərlərinin konfransını qəfil tərk edib İsrail mediası Netanyahudan sitat gətirib: "Bağışlayın, mən böyük dostumuz, prezident Trampla danışmaq üçün Qüdsə getməliyəm. Qarşımızda çox böyük ümumi vəzifələr var" Ynet Netanyahu ilə Tramp arasında telefon danışığının yaxın saatlarda baş tutmalı olduğunu yazıb