Fövqəladə Hallar Nazirliyi və Turizm üzrə Dövlət Agentliyinin birgə təlimi - foto

Fövqəladə Hallar Nazirliyi və Dövlət Turizm Agentliyinin birgə təşkilatçılığı ilə Fövqəladə Hallar Nazirliyinin Akademiyasında tur bələdçiləri üçün treninq keçirilib. Təlim müxtəlif yerlərdə turistlərin təhlükəsizliyinin təmin edilməsinə, habelə fövqəladə hallarda davranış qaydalarına həsr olunub Tədbirdə Fövqəladə Hallar Nazirliyinin İctimaiyyətlə əlaqələr şöbəsinin rəis müavini İradə Kərimova, Akademiyanın rəis müavini Fuad Mehbalyev, Fövqəladə Hallar Nazirliyinin müvafiq strukturlarının, Dövlət Turizm Agentliyinin və müxtəlif turizm şirkətlərinin məsul əməkdaşları iştirak ediblər Təlimin əsas məqsədi yerli və xarici turistlərin təhlükəsizliyinin təmin edilməsi üzrə tədbirlərin səmərəliliyinin artırılması, o cümlədən bələdçilərin bu sahədə bilik və bacarıqlarının dərinləşdirilməsi və fövqəladə hallara hazırlıq səviyyəsinin yüksəldilməsi olub Təlimin nəzəri hissəsində Fövqəladə Hallar Nazirliyinin mütəxəssisləri dağlıq və meşə ərazilərində, su anbarlarında, vulkanik zonalarda, tarixi və digər turizm yerlərində, o cümlədən müxtəlif növ attraksion və nəqliyyat vasitələrindən, hava şarlarından və paraşütlərdən istifadə zamanı yarana biləcək risklər barədə bələdçilərlə tanış olublar. Sadalanan şəraitdə davranış qaydaları, müxtəlif təhlükəli vəziyyətlərdə hərəkətlər, o cümlədən ilk tibbi yardım texnikası və “112” qaynar xəttinin imkanları ətraflı işıqlandırılıb. Həmçinin məlumatlandırıcı videoçarxlar nümayiş etdirilib İnteraktiv nəzəri hissədə bütün suallara ətraflı cavablar verilmiş, iştirakçılara təhlükəsiz davranış qaydaları haqqında yaddaqalan materiallar paylanmışdır Daha sonra təlimin praktiki hissəsinə start verilib. Xüsusilə, simulyasiya edilmiş hadisə zamanı “qurbanlara” ilkin tibbi yardım göstərilib. Dağ bələdçilərinə və ekstremal səfərlərə çıxan qrupların rəhbərlərinə xilasetmə avadanlıqlarından istifadə qaydaları aydın şəkildə göstərilib Uğurla başa çatan təlim məqsədlərimizə çatmağa imkan verdi və onu başa vuran iştirakçılar fəxri fərmanlarla təltif olundular