Azərbaycan və Türkiyənin hərbi nümayəndə heyətləri arasında kütləvi qırğın silahlarından müdafiə məsələlərinə həsr olunmuş görüş keçirilib - FOTO

Bakıda Azərbaycan və Türkiyə hərbi nümayəndə heyətlərinin kütləvi qırğın silahlarından müdafiə və bu istiqamətdə dünyada baş verən hadisələrin monitorinqi məsələlərinə həsr olunmuş görüşü keçirilib Müdafiə Nazirliyindən Caliber.Az-a verilən məlumata görə, görüşdə general-leytenant Azər Əliyev Bakı ilə Ankara arasında hərbi əlaqələrin sürətlə inkişaf etdiyini, onların strateji tərəfdaşlıq səviyyəsində möhkəmləndiyini vurğulayıb. Vurğulanıb ki, qarşılıqlı səfərlər qlobal və regional tendensiyalar fonunda radiasiya, kimyəvi və bioloji müdafiə sahəsində fəaliyyətin təhlilinə, ordu potensialının ən yüksək səviyyədə saxlanmasına kömək edir. Tərəflər hərbi və hərbi-texniki sahədə əməkdaşlığın hazırkı vəziyyətini müzakirə edib, qarşılıqlı maraq doğuran məsələlər ətrafında fikir mübadiləsi aparıblar