İİB Qrupunun Bakıda keçirilən iclası çərçivəsində 260 milyon dollarlıq sazişlər imzalanıb

İlk günün əsas tədbirlərindən biri də Azərbaycan İqtisadiyyat Nazirliyi və Azərbaycanda İxracın və İnvestisiyaların Təşviqi Agentliyinin dəstəyi ilə təşkil olunan İnvestisiya Forumu olub. Müzakirələrdə ölkənin investisiya mühiti, infrastrukturun inkişafı, daşınmaz əmlak bazarı, bərpa olunan enerji, həmçinin yaşıl maliyyələşdirmə və regional əməkdaşlıq məsələləri müzakirə olunacaq Forumun açılışında çıxış edən Azərbaycanın iqtisadiyyat naziri Mikayıl Cabbarov qeyd edib ki, tədbir beynəlxalq iqtisadi əməkdaşlığın genişləndirilməsinə və İslam maliyyə institutları ilə tərəfdaşlıq əlaqələrinin möhkəmlənməsinə töhfə verir İclasın kənarında İslam İnkişaf Bankı Qrupuna daxil olan Beynəlxalq İslam Ticarət Maliyyə Korporasiyası ümumi dəyəri 260 milyon ABŞ dolları olan bir sıra sazişlər imzalayıb Bunlardan ən böyüyü enerji, ərzaq təhlükəsizliyi, səhiyyə, kənd təsərrüfatı və özəl sektora dəstək verən Qambiya ilə 250 milyon dollarlıq üç illik çərçivə sazişi olub Bundan əlavə, Tacikistanla pambıq və pambıq məhsulları ticarətinin dəstəklənməsi üçün 10 milyon dollar ayrılması barədə saziş imzalanıb. Vəsait fermerlərdən xammalın alınmasına və sənayenin ixrac potensialının inkişafına yönəldiləcək Dünya Bankı Qrupunun strukturu olan Beynəlxalq Maliyyə Korporasiyası ilə də əməkdaşlıq sazişi bağlanmışdır. Sənəd İslam Əməkdaşlıq Təşkilatı ölkələrində ticarətin maliyyələşdirilməsinə çıxış imkanlarının genişləndirilməsinə yönəlib İyunun 19-dək Bakıda İslam İnkişaf Bankı Qrupunun “Dayanıqlı tərəqqi naminə regional inteqrasiya” devizi altında illik toplantısı keçirilir. Forum investisiya, iqtisadi əməkdaşlıq və davamlı inkişaf məsələlərinin müzakirəsi üçün platforma rolunu oynayır Mayın əvvəlində Bakıda “Hamı üçün mənzil: təhlükəsiz və dayanıqlı şəhərlər və qəsəbələr” devizi altında WUF13 forumu keçirilib