«Süni İntellekt vasitəsilə yaradılan dezinformasiya və psixoloji təsir alətləri yeni təhlükə mühiti yaradır» - Ədalət Muradov

«Süni İntellekt vasitəsilə yaradılan dezinformasiya, deepfake və psixoloji təsir alətləri yeni təhlükə mühiti yaradır. Media üçün Sİ kontentinin etik yoxlama mexanizmləri, monitorinq sistemləri, hüquqi məsuliyyət mexanizmləri prioritetlər sırasında olmalıdır” Bunu 525.az-a Azərbaycan Dövlət İqtisad Universitetinin (UNEC) rektoru professor Ədalət Muradov deyib. Rektor qeyd edib ki, effektiv idarəetmə modeli, koordinasiya və nəzarət üçün ayrıca institusional mexanizm faydalı görünür. Dövlət, akademiya və özəl sektor arasında körpünün yaradılması əhəmiyyətlidir: «Beləliklə, Süni İntellekt gələcəyi müəyyən edən texnologiyadır. Lakin bu gələcəyin necə olacağını texnologiyanın özü yox, onu necə tənzimləyən cəmiyyətlər müəyyən edəcək”