Sibiqə və Bayramov fəal dialoqu davam etdirmək barədə razılığa gəliblər

Ukrayna və Azərbaycanın xarici işlər nazirləri Andrey Sibiqa və Ceyhun Bayramov arasında telefon danışığı olub. Bu barədə ukraynalı nazir X sosial şəbəkəsində yazıb "Azərbaycanın xarici işlər naziri Ceyhun Bayramovla məhsuldar söhbətim oldu. Mən həmkarıma göstərilən qonaqpərvərliyə və görüş zamanı (Prezident Vladimir Zelenskinin rəhbərlik etdiyi nümayəndə heyətinin Azərbaycana səfəri - red.) və liderlərimizin Qəbələdə apardığı danışıqlara görə təşəkkür etdim Biz bu danışıqlar zamanı əldə edilmiş razılaşmaların həyata keçirilməsinə diqqət yetirdik və ikitərəfli əməkdaşlığımızın inkişafı üçün gələcək addımları müzakirə etdik”, - nəşr yazır Sibiqanın sözlərinə görə, tərəflər həmçinin regionda təhlükəsizlik vəziyyəti və beynəlxalq gündəmdə olan məsələlər ətrafında fikir mübadiləsi aparıblar "Ukrayna Azərbaycana suverenliyimizə və ərazi bütövlüyümüzə verdiyi ardıcıl dəstəyə, habelə humanitar yardıma, xüsusilə enerji sektoruna görə minnətdardır. Biz fəal dialoqu davam etdirmək və təmaslarımızı davam etdirmək barədə razılığa gəldik", - deyə Ukrayna XİN rəhbəri yekunlaşdırıb