San Marino mətbuatı Azərbaycandan birbaşa qaz nəqlinin vacibliyini vurğulayır

BAKI, Azərbaycan, 3 iyun. San-Marinonun rəsmi qəzeti "Tribuna Politica" SOCAR Trading Gas & Power şirkəti ilə Azərbaycandan birbaşa təbii qaz tədarükünə dair imzalanmış sazişin əhəmiyyətini geniş şəkildə işıqlandırıb və bu müqaviləni ölkənin enerji sabitliyinin təmin edilməsi istiqamətində mühüm addım kimi qiymətləndirib Nəşr qeyd edir ki, sənədi SOCAR prezidenti Rövşən Nəcəf və A.A.S.S. CEO Marcello Forcellini Bakı Enerji Həftəsində respublikanın resurslarının idarə edilməsini tamamilə yeni səviyyəyə qaldırır Qəzetin jurnalistləri vurğulayırlar ki, təsdiq edilmiş təchizat sxemi ölkəni geosiyasi risklərdən tam qorumaq və qış mövsümündə fasiləsiz istilik təchizatının təmin edilməsi üçün nəzərdə tutulub Müvafiq nazirliklər daxili istehlak tariflərini sabitləşdirmək və daha proqnozlaşdırıla bilən dövlət büdcəsi parametrlərini müəyyən etmək üçün mənbə təchizatçısından birbaşa satınalma mexanizmindən istifadə etməyi planlaşdırır Tribuna Politica-nın məlumatına görə, yeni saziş Azərbaycan və San Marino arasında qarşılıqlı investisiyaların cəlb edilməsi və birgə texnoloji innovasiyaların inkişafı üçün uzunmüddətli zəmin yaradır Qəzet İqtisadi Planlaşdırma üzrə Dövlət Katibi Alessandro Bevitoridən sitat gətirib: "Bu saziş enerji təchizatının sabitliyini və təhlükəsizliyini gücləndirmək məqsədilə təchizat mənbələrinin şaxələndirilməsinə yönəlmiş diplomatik səylərin konkret nəticəsidir. Bu, həm də enerji sahəsində gələcək ikitərəfli əməkdaşlığa doğru ciddi addımdır" Maliyyə, Büdcə, Nəqliyyat və Enerji üzrə Dövlət Katibi Marko Qatti qəzetə verdiyi şərhlərdə yeni idxal modelinin maliyyə faydalarına diqqət çəkib "Aparıcı beynəlxalq oyunçuya birbaşa çıxış imkanı xüsusi strateji əhəmiyyət kəsb edir. Əlverişli iqtisadi şəraitin yaradılması ölkə üçün real iqtisadi üstünlük təşkil edir, çünki bu, daha çox xərclərin proqnozlaşdırılmasına zəmanət verir və tarif sistemimizi idarə etmək üçün daha geniş imkanlar yaradır", - Qatti vurğulayıb