Salmanov profilaktik söhbətlər aparıb və müttəhimlər kürsüsünə - reabilitasiya mərkəzinin işi ilə yekunlaşıb

Sumqayıt Şəhər Məhkəməsində “Qurtuluş” reabilitasiya mərkəzinin müdiri Ceyhun Salmanov və onun əməkdaşları Elşad Məhərrəmov və Natiq Əliyevin cinayət işi üzrə məhkəmə iclası keçirilib. haqqin.az-ın məlumatına görə, dövlət ittihamçısı ittiham aktını elan edib. Təqsirləndirilən şəxslər elan olunmuş ittiham üzrə özlərini qismən təqsirli biliblər Dindirilmə zamanı Ceyxun Salmanov bildirib ki, palataların mərkəzdə olması müalicə prosesi ilə bağlıdır və guya onlarla profilaktik söhbətlər aparılıb Növbəti iclas iyunun 17-nə təyin edilib Xatırladaq ki, “Qurtuluş” reabilitasiya mərkəzində törədilmiş qanunsuz hərəkətlərlə bağlı Sumqayıt prokurorluğu tərəfindən cinayət işi açılıb. İstintaqla müəyyən edilib ki, Ceyhun Salmanov M.Əliyev və şəxsiyyəti məlum olmayan şəxslərlə əlbir olaraq 7 nəfərdən artıq şəxsi aldatma və zor tətbiq etməklə onların iradəsi əleyhinə olaraq rayonun Corat kəndində yerləşən müəssisədə saxlayıb. Saxlanılan şəxslərin qohumları ilə əlaqə saxlaması qadağan edilib, rabitə vasitələri əllərindən alınıb, onlara fiziki və psixoloji zorakılıq edilib, bir neçəsinin səhhətinə zərər vurulub Təqsirləndirilən şəxslər Cinayət Məcəlləsinin 127.1 (qəsdən sağlamlığa orta ağır zərər vurma), 133.2.1 və 133.2.3 (qabaqcadan əlbir olaraq iki və ya daha çox şəxsə işgəncə vermə), 144.3 (ağır nəticələrə səbəb olan adam oğurluğu), 114.1 (ağır nəticələrə səbəb olduqda) və 114.2. qabaqcadan əlbir olaraq iki və ya daha çox şəxsin azadlıqdan məhrum edilməsi). Hər üç şəxs barəsində həbs-qətimkan tədbiri seçilib