Səidə Mirziyoyeva MAQATE-nin baş direktoru Rafael Qrossi ilə görüşüb

Özbəkistan Prezidenti Administrasiyasının rəhbəri Səidə Mirziyoyeva iyunun 4-də Atom Enerjisi üzrə Beynəlxalq Agentliyin baş direktoru Rafael Qrossi ilə görüşüb. Mirziyoyeva görüşü öz Telegram kanalında açıqlayıb Onun sözlərinə görə, yüksək vəzifəli qonaq Özbəkistana Cizzax vilayətində AES-in tikintisinin başlanması ilə bağlı mərasimdə iştirak etmək üçün gəlib Danışıqlar zamanı tərəflər Özbəkistanın milli nüvə enerjisi infrastrukturunun yaradılması, nüvə təbabətinin inkişafı və sektor üçün mütəxəssislərin hazırlanması üzrə agentliklə əməkdaşlıq məsələlərini müzakirə ediblər Bundan əvvəl Özbəkistan Prezidenti Şavkat Mirziyoyev və Rusiya Prezidenti Vladimir Putinin Rusiyanın Rosatom korporasiyası tərəfindən Özbəkistanda inşa edilən AES-in ilk enerji blokunun tikintisinə başlayacağı gözlənilirdi Məlumat üçün bildirək ki, Özbəkistan və Rusiya 2018-ci ildə Özbəkistanda nüvə enerjisi potensialının yaradılmasına dair hökumətlərarası saziş imzalayıblar. Müqavilə ilkin olaraq hər birinin gücü 1,2 giqavat olan iki enerji blokunun tikintisini nəzərdə tuturdu. 2025-ci ildə tərəflər hər birinin gücü 55 meqavat olan altı kiçik blokun tikintisinə dair razılığa gəliblər. Daha sonra layihəyə yenidən baxıldı və müqaviləyə düzəlişlər 2026-cı ilin martında imzalandı Yeni sazişə əsasən, Rosatom Özbəkistanda Rusiyanın VVER-1000 reaktorları əsasında iki böyük tutumlu enerji bloku, eləcə də hər birinin gücü 55 meqavat olan RITM-200 reaktorları əsasında iki kiçik nüvə bloku tikəcək. Stansiya Rusiyanın xaricdə tikdiyi ilk kiçik tutumlu atom elektrik stansiyası ola bilər Hazırda beş Mərkəzi Asiya ölkəsinin heç birində atom elektrik stansiyası yoxdur. Ötən ilin iyununda Qazaxıstan Rosatom-u ölkənin ilk atom elektrik stansiyasının tikintisi üçün beynəlxalq konsorsiumun rəhbəri seçdi. Rusiya layihə üçün özünün flaqman Nəsil III+ VVER-1200 reaktorundan istifadə etməyi planlaşdırır Bu ilin mayında Moskva və Astana Balxaş AES-in tikintisinə dair hökumətlərarası saziş imzalayıblar, onun gücü 2,4 giqavat ola bilər və dəyəri təxminən 16,5 milyard dollardır