Sahara səhrasında fəlakət! Yük maşını xarab oldu, 50 adam susuzluqdan öldü

Afrika ölkəsi Malinin Telhandek qəsəbəsindən yola çıxan və planlaşdırılan marşrutdan çıxan sərnişin yük maşını Nigerin şimalındakı Sahara səhrasında sıradan çıxıb Malidən qayıdan qrupu daşıyan avtomobil Niger və Əlcəzair arasında mühüm sərhəd keçid məntəqəsi olan Assamakadan 80 kilometr qərbdə qapalı qalıb. Səhrada qalan sərnişinlər günlərlə xarab olan avtomobili təmir etməyə çalışsalar da, buna nail ola bilməyiblər Yük maşınında olan sərnişinlərdən ikisi səhranı keçərək Assamakaya çatıb və vəziyyəti səlahiyyətlilərə bildirib. Xəbərdarlıqdan sonra axtarış-xilasetmə qrupları hərəkətə keçərək hadisə yerinə gəlib. Araşdırmalar nəticəsində 50 nəfərin susuzluqdan öldüyü müəyyən edilib. Axtarış-xilasetmə qrupları həyatını itirənləri kütləvi məzarlıqda basdırıb Hadisədən sonra Nigerin Aqadez Qubernatorluğu tərəfindən rəsmi açıqlama verilib. Qubernatorun açıqlamasında, havanın son dərəcə yüksək olduğu və tədarük nöqtələrinin olmaması səbəbindən sərnişinlərin günlərlə qapalı vəziyyətdə qaldığı qeyd edilib. Verilən məlumatlarda hadisə yerindəki vəziyyətlə bağlı “Yük maşınının altında və ətrafında onlarla cəsədin tapıldığı” da bildirilib Bölgədə dəfn prosedurlarını başa çatdıran xilasetmə qrupları hadisə yerindən qayıdarkən daha bir xarab avtomobillə qarşılaşıb. Qruplar akkumulyatorun nasazlığı səbəbindən 3 gündür səhrada qalan 60-dan çox adamı daşıyan yük maşını tapıblar. Aralarında Niger əsgərlərinin də olduğu xilasetmə qrupu yorğun və bədbəxt sərnişinlərə əvvəlcə su paylayıb. Daha sonra qruplar avtomobili təmir edib və sərnişinləri qapalı vəziyyətdə qaldıqları ərazidən xilas ediblər