Rusiyanın "milli mesajlaşma proqramı" MAX App Store-dan silindi - QHA - Krım Xəbər Agentliyi

Rusiyanın dövlət tərəfindən dəstəklənən “milli mesajlaşma proqramı” kimi təqdim edilən MAX, Apple-ın App Store mağazasından silinib Tətbiqin yaradıcısı VK (VKontakte), Apple-dan silinmə qərarının səbəbi ilə bağlı izahat istədiklərini və problemi həll etmək üçün çalışdıqlarını açıqladı. Bildirilib ki, tətbiqi əvvəllər quraşdırmış istifadəçilər MAX-dan istifadə etməyə davam edə bilərlər GÜNDƏMDƏ CASUS PROQRAM MÜZAKİRƏLƏRİ VAR Aprelin sonunda internet təhlükəsizlik şirkəti Cloudflare MAX-ın domen adlarını “casus proqram” kateqoriyasında qeyd etdi. Sözügedən etiket sonradan silindi, lakin sonra yenidən tətbiq olundu Kibertəhlükəsizlik üzrə ekspertlər və media qurumları xəbərdarlıq etmişdilər ki, proqramda istifadəçi məlumatlarını qorumaq üçün əsas təhlükəsizlik xüsusiyyətləri yoxdur İSTİFADƏÇİ MƏLUMATLARININ TOPLANMASI İDDİA EDİLİR Scamshot kibertəhlükəsizlik platforması tərəfindən paylaşılan məlumata görə, MAX tətbiqi bildirişləri, quraşdırılmış proqramları və cihazlarda yer məlumatlarını izləyə bilir. Toplanan məlumatların VK-nın serverlərinə ötürülə biləcəyi də gündəmə gətirilib TƏTBİQ MƏCBURİ QURAŞDIRMADIR 2025-ci il sentyabrın 1-dən Rusiyada və Rusiyanın işğal etdiyi Ukrayna ərazilərində, o cümlədən Krımda Max tətbiqinin istifadəsi məcburi hala gəldi. Tətbiq Kreml və FSB-nin nəzarətində olan VK (VKontakte) şirkəti tərəfindən hazırlanıb Mütəxəssislər Rusiyanın bu hərəkətlərini Çin modelinə bənzər “ümumi rabitə nəzarəti” strategiyasının bir hissəsi kimi qiymətləndirirlər