Əli Kərimli və digərləri ilə bağlı məhkəmə qərarı - yenilənib 18:20

Səbail Rayon Məhkəməsi Azərbaycan Xalq Cəbhəsi Partiyasının Rəyasət Heyətinin üzvü Məmməd İbrahimin barəsində seçilmiş həbs-qətimkan tədbirinin müddətini uzadıb. Prezident Administrasiyasının sabiq rəhbəri Ramiz Mehdiyevin ev dustaqlığının müddəti eyni müddətə uzadılıb Bundan başqa, AMEA Katibliyinin sabiq rəhbəri, Prezident Administrasiyasının keçmiş əməkdaşı Eldar Əmirovun həbs müddəti 5 ay uzadılıb Səbail Rayon Məhkəməsi Azərbaycan Xalq Cəbhəsi Partiyasının sədri Əli Kərimlinin həbs müddətini uzadıb haqqin.az-ın məlumatına görə, məhkəmə cinayət işi üzrə əlavə sübutların toplanması zərurətini nəzərə alaraq vəsatəti təmin edib. Məhkəmənin qərarı ilə Əli Kərimlinin həbs müddəti daha 5 ay uzadılıb Xatırladaq ki, Əli Kərimli Prezident Administrasiyasının keçmiş rəhbəri Ramiz Mehdiyevlə bağlı açılan cinayət işi çərçivəsində istintaqa cəlb edilib. Kərimli Azərbaycan Cinayət Məcəlləsinin 278.1-ci (hakimiyyəti zorla ələ keçirməyə və ya dövlətin konstitusiya quruluşunu zorla dəyişdirməyə yönəlmiş hərəkətlər) maddəsi ilə ittiham olunub. Hazırda Azərbaycan Dövlət Təhlükəsizliyi Xidməti tərəfindən bu cinayət işi üzrə genişmiqyaslı istintaq hərəkətləri həyata keçirilir