Rendi Koul azərbaycanlı tələbələrin ABŞ-da təhsilə olan marağından danışıb

Təhsil proqramlarının genişlənməsi, mübadilə iştirakçılarının sayının artması və Amerika universitetlərinin Azərbaycanda daha fəal təbliği fonunda azərbaycanlı tələbələrin ABŞ-da təhsil almağa marağı artmaqda davam edir Day.Az Trend-ə istinadən xəbər verir ki, bunu ABŞ-ın Azərbaycandakı səfirliyinin mədəniyyət məsələləri üzrə məsul əməkdaşı Rendi Koul Azərbaycanın paytaxtında keçirilən ABŞ təhsil sərgisi zamanı jurnalistlərə deyib Onun sözlərinə görə, tədbir hər il Amerika universitetlərinin, təhsil proqramlarının nümayəndələrini və abituriyentlərə ABŞ-dakı ali təhsil sistemi haqqında daha dolğun anlayış əldə etməyə kömək edən məzunları bir araya gətirir "Bu gün biz ABŞ-ın 5000-dən çox ali təhsil müəssisəsindən 40-dan çox universiteti təmsil edirik. EducationUSA və American Spaces-in nümayəndələri də tələbələrə və valideynlərə qəbul məsələləri ilə bağlı məsləhət vermək üçün burada iştirak edirlər", - o qeyd edib Rendi Koul abituriyentlər üçün praktiki məlumatlara xüsusi diqqət yetirildiyini vurğulayıb "Biz müraciət prosesini, test tələblərini və viza prosedurlarını ətraflı izah edirik. Bu, tələbələrə Amerika universitetlərinə daxil olmaq üçün ümumi maraqdan konkret addımlara keçməyə kömək edir", - o əlavə edib Səfirlik nümayəndəsi onu da qeyd edib ki, Amerika ali təhsil sistemi geniş proqram və imkanlar təqdim edir “ABŞ-da iri tədqiqat mərkəzlərindən tutmuş kiçik kolleclərə qədər 5000-dən çox universitet var ki, bu da o deməkdir ki, hər bir tələbə öz maraqlarına və imkanlarına uyğun proqram tapa bilər” Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin