“Real Madrid” “Çelsi”dən 70 milyon dollara Kukurella alıb

27 yaşlı futbolçu İspaniya klubu ilə 6 illik müqavilə imzalayıb. İyunun 14-də tərəflər arasında razılıq əldə olunub, ertəsi gün isə rəsmi təsdiqlənib. Köçürmənin əsas məbləği təxminən 64 milyon dollar qiymətləndirilir, digər 5,8 milyon dollar isə bonus ödənişləri şəklində verilir Hazırda Kukurella DÇ-2026-da mübarizə aparan İspaniya millisinin heyətindədir. İspan "Çelsi"yə 2022-ci ilin yayında 85 milyon dollara Braytondan keçib. Müdafiəçi "Barselona" akademiyasının yetirməsidir və əvvəllər dəfələrlə İspaniya çempionatına qayıdışı ilə əlaqələndirilib Britaniya mətbuatının yazdığına görə, futbolçu evinə köçməkdə maraqlı olub. Onunla "Atletiko Madrid" və "Barselona" da maraqlanırdı Kukurellanın transferi klub prezidenti Florentino Peresin yenidən seçilməsindən və Joze Mourinyonun baş məşqçi təyin olunmasından sonra "Real Madrid"in heyətində aparılan geniş miqyaslı restrukturizasiyanın bir hissəsi idi Həmçinin qeyd olunur ki, Madrid "Mançester Siti"nin yarımmüdafiəçisi Bernardo Silva, "İnter"in müdafiəçisi Denzel Dumfries və fransalı müdafiəçi İbrahima Konateni transfer etməyi düşünür Kukurellanın "Çelsi" ilə müqaviləsi daha 3 il müddətinə qüvvədə olsa da, London klubu Madriddən təklif aldıqdan sonra futbolçunu satmağa razılaşıb. Ötən mövsüm "Çelsi" üçün uğursuz alınıb. Komanda İngiltərə çempionatını 10-cu yerdə başa vuraraq avrokuboklara vəsiqəsiz qalıb Xatırladaq ki, FİFA 2026-cı il dünya çempionatının mükafat fondunu rekord həddə - 871 milyon dollara çatdırıb