İşə, məktəbə, xəstəxanaya daha az vaxtda çatmaq əsas məqsəddir - Rəşad Nəbiyev

BAKI, Azərbaycan, 19 may. Trend-in məlumatına görə, Azərbaycanın rəqəmsal inkişaf və nəqliyyat naziri Rəşad Nəbiyev bildirib ki, qərarların qəbulu prosesində əsas ölçü vahidi maliyyə deyil, vaxtdır, yəni "bir manatın gəliri" şəhər sakinlərinin qənaət etdiyi və ya itirdiyi dəqiqələrlə ölçülür, işə, məktəbə və xəstəxanaya daha az vaxtda çatmaq əsas göstərici kimi çıxış edir Nazir bunu Bakıda Ümumdünya Şəhər Forumunun (WUF13) 13-cü sessiyası çərçivəsində keçirilən “Əlaqə mərkəzində olan şəhərlər: Şəhərlərin yenidən qurulması və regional əməkdaşlıq” mövzusunda tədbirdə çıxışı zamanı deyib Nazir bu yanaşmanı dəstəkləmək üçün Bakının “rəqəmsal əkizinin” yaradıldığını xüsusilə vurğulayıb "Şəhər mobil operatorlar, kommunal xidmətlər, nəqliyyat axını və sorğulardan toplanmış təxminən 10 milyard məlumat nöqtəsi əsasında modelləşdirilib. Bu sistem yeni avtobus zolaqlarının, işıqforların və velosiped yollarının harada qurulmasını daha dəqiq planlaşdırmağa imkan verir", - Nəbiyev bildirib O əlavə edib ki, nəticələr artıq özünü göstərməyə başlayıb "Şəhər daxilində şəxsi avtomobillər və taksilərlə edilən səfərlərin payı 50%-dən 40%-ə düşüb və 2030-cu ilə qədər bu rəqəmin 30%-ə endirilməsi hədəfi olaraq qalır. Eyni zamanda, yol-nəqliyyat hadisələri nəticəsində ölənlərin sayı 100 min nəfərə 9-dan 7-yə enib, 2030-cu ilə qədər isə bu rəqəmin 4-ə endirilməsi nəzərdə tutulmayıb" Nazir əlavə edib ki, “20 dəqiqəlik şəhər” konsepsiyası – vətəndaşların 20 dəqiqə ərzində əsas xidmətlərə çatdığı şəhər modeli – bütün bu strategiyanın mərkəzində dayanır Bakıda Ümumdünya Şəhər Forumunun (WUF13) 13-cü sessiyasının üçüncü günü davam edir Birinci gün Yeni Şəhər Gündəliyinə həsr olunmuş nazirlər görüşü, nazirlərin dəyirmi masası, qadın və vətəndaş cəmiyyəti assambleyaları, işgüzar sessiyalar və şəhərin rifahı ilə bağlı müzakirələr keçirilib. Forum çərçivəsində Birləşmiş Millətlər Təşkilatının və Azərbaycanın bayraqlarının qaldırılması mərasimi də olub Forumun ikinci günü tarixdə ilk dəfə keçirilən Liderlər Zirvəsi ilə diqqət çəkib. Həmin gün qlobal mənzil böhranı, urbanizasiya siyasəti və şəhərin davamlılığı ilə bağlı yüksək səviyyəli müzakirələr aparılıb. Eyni zamanda WUF13 çərçivəsində Mexiko pavilyonunun açılışı olub. Pavilyon Latın Amerikası regionu ilə əməkdaşlığın genişləndirilməsi və WUF14-ə hazırlıq üçün mühüm platforma kimi təqdim edilib 182 ölkədən 40 000-dən çox qeydiyyatdan keçmiş iştirakçını cəlb edən WUF13 mayın 22-dək davam edəcək. “Dünyada mənzil: Təhlükəsiz və dayanıqlı şəhərlər və icmalar” mövzusu altında keçirilən forum davamlı şəhər inkişafı sahəsində qlobal əməkdaşlığı gücləndirmək üçün hökumətləri, beynəlxalq təşkilatları, ekspertləri və vətəndaş cəmiyyəti nümayəndələrini bir araya gətirir