Rəfiyev: Xəzər dənizindən Qara dəniz vasitəsilə Avropaya enerji dəhlizlərinin inkişafı yeni perspektivlər açır

Azərbaycan ilə Aİ arasında əməkdaşlıq çərçivəsində bərpa olunan enerji sektoru xüsusi əhəmiyyət kəsb edir "Report"un məlumatına görə, bunu Azərbaycan xarici işlər nazirinin müavini Yalçın Rəfiyev Avropa Günü münasibətilə keçirilən tədbirdə deyib Onun sözlərinə görə, Azərbaycan təbii qazı hazırda 16 ölkəyə, o cümlədən 10 Aİ ölkəsinə verilir. 2025-ci ildə Avropaya 13 milyard kubmetrə yaxın Azərbaycan qazı ixrac edilib. O qeyd edib ki, bu il Avstriya və Almaniyaya tədarükün başlanması Azərbaycanın Avropanın enerji təchizatının şaxələndirilməsində mühüm tərəfdaş kimi rolunu bir daha təsdiqləyir "Eyni zamanda, əməkdaşlığımız təkcə təbii qazın ixracı ilə məhdudlaşmır. Gələcəkdə bərpa olunan enerji və yaşıl texnologiyalar sahəsində əməkdaşlıq xüsusi əhəmiyyət kəsb edir. Xəzər regionundan Qara dəniz vasitəsilə Avropaya enerji dəhlizlərinin inkişafı yeni perspektivlər açır" O, həmçinin nəqliyyat əlaqələrinin mühüm sahə olaraq qaldığını qeyd edərək bildirib ki, Azərbaycanın geostrateji mövqeyi nəqliyyat dəhlizlərini əməkdaşlıq və inkişaf üçün effektiv vasitəyə çevirib Bu kontekstdə o, Orta Dəhlizi, Bakı limanını, Bakı-Tbilisi-Qars dəmir yolunu, eləcə də gələcək layihələri, o cümlədən Naxçıvan Muxtar Respublikası ilə bağlı istiqamətləri xüsusi qeyd edib. Onun sözlərinə görə, bu təşəbbüslər regionun Avropa, Cənubi Qafqaz, Mərkəzi Asiya və digər ərazilər arasında əlaqə rolunu gücləndirəcək Rəfiyev davamlı inkişafa, regional sabitliyə və qarşılıqlı əlaqəyə yönəlmiş təşəbbüslərin əhəmiyyətini də qeyd edib Sonda o, yeni tərəfdaşlıq prioritetləri və Azərbaycan ilə Avropa İttifaqı arasında əməkdaşlıq üçün müasir, balanslaşdırılmış və gələcəyə yönəlmiş çərçivə təşkil etməli olan yeni ikitərəfli saziş üzrə danışıqların başa çatdırılmasının vacibliyini vurğuladı