Rəfiyev: Azərbaycanla Aİ arasında tərəfdaşlıq strateji xarakter alır

Avropa Siyasi Birliyinin 12-ci Zirvə Görüşünün 2028-ci ildə Azərbaycanda keçirilməsi barədə qərar Aİ ilə əməkdaşlığın daha da inkişafı üçün əlavə imkan yaradır "Report"un məlumatına görə, bunu Azərbaycan xarici işlər nazirinin müavini Yalçın Rəfiyev Avropa Günü münasibətilə keçirilən tədbirdə deyib "Azərbaycan Avropa İttifaqı ilə münasibətlərinə bu kontekstdə baxır. Biz Aİ ilə əməkdaşlığı xarici siyasətimizin mühüm istiqaməti kimi qəbul edirik və məmnunluqla qeyd edirik ki, son illər bu münasibətlər yeni müsbət dinamika əldə edib" Rəfiyev Avropa İttifaqı Şurasının prezidenti Antonio Kostanın Bakıya son səfərini və Azərbaycan Prezidenti İlham Əliyevlə görüşün yekunlarına dair qəbul olunmuş birgə bəyanatı qeyd edərək, bu sənədin əməkdaşlığın daha da möhkəmləndirilməsinə qarşılıqlı sadiqliyi təsdiq etdiyini vurğulayıb O, həmçinin Azərbaycan ilə Avropa İttifaqı təsisatları arasında müntəzəm təmasların, o cümlədən yüksək səviyyəli görüşlərin, Avropa rəsmilərinin ölkəyə səfərlərinin, enerji, nəqliyyat və təhlükəsizlik sahələrində dialoqların aparıldığını qeyd edib "Bu gün Azərbaycan ilə Avropa İttifaqı arasında tərəfdaşlıq strateji xarakter alır. Aİ Azərbaycanın əsas siyasi və iqtisadi tərəfdaşlarından biridir. Birlik bizim ən böyük ticarət tərəfdaşımızdır və əməkdaşlığımız artıq ənənəvi sahələrlə məhdudlaşmır"