"Qazaxıstan və Türkiyə arasında həll olunmamış məsələ yoxdur" - Tokayev

Qazaxıstan-Türkiyə ikitərəfli münasibətləri genişlənmiş strateji tərəfdaşlıq ruhunda dinamik şəkildə inkişaf edir 525.az xəbər verir ki, bunu Qazaxıstan prezidenti Kasım-Jomart Tokayev Türkiyə ilə Yüksək Səviyyəli Strateji Əməkdaşlıq Şurasının altıncı iclasında deyib “Türkiyə bizim üçün qardaş ölkə, vacib və etibarlı tərəfdaşdır. Xalqlarımız eyni tarixə və mənəvi dəyərlərə malikdir. Bu gün əlaqələrimizin dərin kökləri xalqlarımız arasında sarsılmaz dostluğun daha da möhkəmlənməsinə töhfə verir. Ölkələrimiz arasında həll olunmamış heç bir məsələ yoxdur", - Tokayev bildirib Prezidentin sözlərinə görə, dövlətlərarası və hökumətlərarası əlaqələr möhkəmlənir. Bundan əlavə, iki ölkə arasında iqtisadi əməkdaşlıq güclənməyə davam edir. Türkiyə Qazaxıstanın ən böyük investorlarından biridir “Bu günə qədər ölkənizdən iqtisadiyyatımıza 6 milyard dollar investisiya cəlb edilib. Qazaxıstanın Türkiyəyə investisiyası da artaraq təxminən 2,5 milyard dollara çatıb. Türkiyə, həmçinin əsas ticarət tərəfdaşlarımızdan biridir. Xalqlarımız arasında mədəni və humanitar əlaqələr münasibətlərimizin qızıl təməlini təşkil edir. Biz bu müsbət impulsu qorumaq və əməkdaşlığımızın əhatə dairəsini daha da genişləndirmək niyyətindəyik", - Tokayev deyib Qeyd edək ki, Türkiyə prezidenti Rəcəb Tayyib Ərdoğan Qazaxıstanda səfərdədir