Putin: Biz Tehrana silah vermirik. İran heç kimi təxribat etmir

Rusiya prezidenti Vladimir Putin bildirib ki, Rusiya İrana silah tədarük etməyib Sankt-Peterburq Beynəlxalq İqtisadi Forumunun (SPIEF) plenar iclasında çıxış edən Putin, "Silahlara gəlincə, İran bizdən bunu istəməyib. Biz İrana heç bir silah verməmişik" deyib. Onun açıqlamaları “İnterfaks”a istinadən xəbər verir Putindən Rusiyanın İrana kəşfiyyat məlumatları və peyk şəkilləri verib-verməməsi soruşulub "Məlumat həmişə masanın üstündədir. Bəzi müasir idarəetmə vasitələri ikili istifadəli məlumatlardır. Mən dəqiq bilmirəm, amma iranlılar məlumatı təkcə bizim peyklərdən deyil, həm də bunu kommersiya əsasında məhsul kimi satan digər kommersiya peyklərindən də ala bilərdilər", - Rusiya lideri bildirib Rusiya prezidentinin sözlərinə görə, İran ona qarşı hücuma səbəb ola biləcək təxribatlara imkan verməyib: "İran tərəfindən heç bir təxribat görmürəm. Mənə elə gəlir ki, vaxtilə biz İranın nüvə proqramı ilə bağlı müvafiq sazişi razılaşdırıb qəbul etmişik və hər şey MAQATE-nin nəzarəti altında idi. Amma təəssüf ki, bu gün hər şey fərqli ssenari üzrə inkişaf edib" Putinin sözlərinə görə, Rusiya “iranlı dostlarımızla hər zaman söhbət edərək” onları “qonşu dövlətlərin ərazisinə hücumlardan çəkinməyə” inandırır. "Ancaq onlardan cavab sadədir: onlar bizə hücum etdilər, uşaqlarımızı öldürürlər, ölkənin bütün rəhbərliyini öldürdülər - və biz nə etməliyik? Biz bu şəkildə cavab verməyə məcburuq", - Rusiya prezidenti bildirib