Həmin vətəndaşların kreditləri üzrə faizlər dövlət tərəfindən ödəniləcək

Aqrar Subsidiya Şurası kənd təsərrüfatı məhsulları istehsalçılarına dövlət dəstəyinin gücləndirilməsinə yönəlmiş yeni qərarlar qəbul edib. Yeni mexanizmə əsasən, fermerlərin banklardan istehsal məqsədləri üçün aldıqları kreditlərin illik faiz dərəcəsinin 19 faizədək olan hissəsi dövlət büdcəsi hesabına ödəniləcək Day.Az Demokrat.az-a istinadən xəbər verir ki, bu barədə Kənd Təsərrüfatı Nazirliyinin mətbuat konfransında məlumat verilib Güzəşt çəltik, qarğıdalı, pambıq, şəkər çuğunduru, tütün, eləcə də müxtəlif taxıl və paxlalı bitkilərin istehsalına verilir Bundan əlavə, Naxçıvan Muxtar Respublikasında müasir suvarma sistemlərinin tətbiqini stimullaşdırmaq məqsədilə subsidiya əmsallarına yenidən baxılıb. Belə ki, müasir suvarma sistemlərindən istifadə etməklə yetişdirilən kartof, tərəvəz və bostan bitkilərinin hər hektarı üçün ənənəvi suvarma üsulları ilə müqayisədə 150 manat çox subsidiya ödəniləcək Şuranın bu addımı kənd təsərrüfatında məhsuldarlığın artırılması və fermerlərin maliyyə yükünün azaldılması məqsədi daşıyır Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin