Serbiya Prezidenti: Azərbaycanla ticarət dövriyyəmiz indiki səviyyədən beş dəfə çox olmalıdır

Azərbaycan ilə Serbiya arasında iqtisadi əlaqələr daha da genişlənməlidir AZƏRTAC xəbər verir ki, bunu Serbiya Prezidenti Aleksandr Vuçiç Azərbaycana səfəri çərçivəsində ölkəmizdə fəaliyyət göstərən sahibkarlarla işgüzar görüşdə çıxışı zamanı deyib "Ümid edirəm ki, biz Serbiya ilə Azərbaycan arasında əməkdaşlığımız üçün yeni sahələr tapacağıq. Çünki ölkələrimiz arasında dostluğun sərhədləri olmadığı kimi, iqtisadi əməkdaşlığımızda da sərhədlər olmamalıdır. Hesab edirəm ki, ticarət dövriyyəmiz indiki səviyyədən 5 dəfə yüksək olmalıdır və hesab edirəm ki, biz buna nail ola bilərik" Prezident bildirib ki, Serbiyadakı, xüsusən də ölkənin şərqində yerləşən kurort və dağ kurortları toxunulmaz təbiətə malikdir: “Serbiya tərəfi Azərbaycan investorlarını ölkəyə cəlb etməyə çalışır və bunu qarşılıqlı əməkdaşlıq kimi qiymətləndirir” O əlavə edib ki, serb investorları da Bakıya və Azərbaycanın digər regionlarına investisiya qoymaqda maraqlıdırlar A.Vuçiç iki ölkə arasında dostluq münasibətlərinin inkişaf etdiyini vurğulayaraq, iqtisadi əməkdaşlığın genişləndirilməsi üçün böyük imkanların olduğunu bildirib