Prezident sanksiyalar siyasəti üzrə xüsusi nümayəndə təyin edib

Dövlət başçısı Sadır Japarov iqtisadiyyat və ticarət naziri Bakıt Sıdıkovu prezidentin xüsusi tapşırıqlar - sanksiyalar siyasəti və sanksiyalar risklərinin minimuma endirilməsi üzrə xüsusi nümayəndəsi təyin edib Bildirilib ki, Sadır Japarovun imzaladığı sərəncamın məqsədi dövlət orqanlarının milli iqtisadi maraqların müdafiəsi, sanksiya risklərinin qarşısının alınması üzrə işinin əlaqələndirilməsini təmin etmək, habelə xarici ölkələr, beynəlxalq təşkilatlar, maliyyə institutları və digər tərəfdaşlarla qarşılıqlı fəaliyyətdə Qırğızıstanın razılaşdırılmış mövqeyini inkişaf etdirməkdir Prezidentin sanksiyalar məsələləri üzrə nümayəndəsi məhdudiyyətlərlə bağlı beynəlxalq tələblərə əməl olunmasına və onlardan yayınmanın qarşısının alınmasına cavabdehdir Hazırda 30-dan çox Qırğızıstan şirkəti ABŞ, Böyük Britaniya və Avropa İttifaqının “qara siyahısı”ndadır Mayın 18-də Qırğızıstanın Ədliyyə Nazirliyi 50 müəssisənin fəaliyyətini sanksiya riski yüksək olan əməliyyatlarda iştirak etdiklərini əsas gətirərək dayandırıb. Nazirlik bunu sanksiya risklərinin qarşısının alınması üçün yeni mexanizm çərçivəsində ilk cəhd kimi qiymətləndirib, lakin hansı şirkətlərin bağlandığını açıqlamayıb. (Bto)