Özbəkistan və Rusiya prezidentləri Özbəkistanda atom elektrik stansiyasının ilk enerji blokunun tikintisinə başlayıblar

Videokonfrans vasitəsilə keçirilən mərasimdə Beynəlxalq Atom Enerjisi Agentliyinin baş direktoru Rafael Mariano Qrossi iştirak edib Prezident Şavkat Mirziyoyev bu layihənin həyata keçirilməsinə göstərdikləri şəxsi dəstəyə və diqqətə görə Vladimir Putinə və Rafael Mariano Qrossiyə minnətdarlığını bildirib. O, həmçinin ölkənin ilk AES-in tikintisində iştirak edən özbəkistanlı və rusiyalı mütəxəssislərə birgə səylərinə və yüksək peşəkarlıq səviyyəsinə görə təşəkkür edib Bildirilib ki, bu layihənin həyata keçirilməsi Özbəkistanın texnoloji, sənaye və elmi inkişafında yeni mərhələnin başlanğıcını qoyur və yeni sənayenin, nüvə energetikasının inkişafı üçün zəmin yaradır. Layihə kiçik modul nüvə istehsalı və irimiqyaslı əsas yüklü elektrik enerjisi istehsalı sahəsində ən son nailiyyətləri özündə birləşdirir Özbəkistan Prezidenti təhlükəsizliyin mütləq və qeyd-şərtsiz prioritet olduğunu vurğulayıb. Zavodun tikintisi və istismara hazırlanması MAQATE-nin daimi nəzarəti altında, ən qabaqcıl beynəlxalq standartlara uyğun olaraq və ən müasir mühəndis həllərindən istifadə etməklə həyata keçirilir Bu irimiqyaslı layihənin həyata keçirilməsinin və onun nəticələrinin Özbəkistan və Rusiya arasında hərtərəfli strateji tərəfdaşlıq və müttəfiqliyi daha da inkişaf etdirəcəyinə əminlik ifadə olunub