Azərbaycan Prezidenti İlham Əliyev Qazaxıstanın xarici işlər və nəqliyyat nazirlərini qəbul edib (FOTO/VİDEO)

BAKI, Azərbaycan, 8 aprel. Azərbaycan Respublikasının Prezidenti İlham Əliyev aprelin 8-də Qazaxıstan Respublikasının xarici işlər naziri Yermek Koşerbayevi və nəqliyyat naziri Nurlan Sauranbayevi qəbul edib Prezident İlham Əliyev Azərbaycan-Qazaxıstan ikitərəfli münasibətlərinin əməkdaşlıq və qardaşlıq ruhunda inkişaf etdiyini vurğuladı. Prezident qeyd edib ki, dövlət başçılarının qarşılıqlı səfərləri, bu səfərlər zamanı aparılan müzakirələr, qəbul edilmiş qərarlar, o cümlədən Azərbaycan və Qazaxıstan arasında müxtəlif səviyyəli nümayəndə heyətlərinin səfərləri iki ölkə xalqını və ölkəni daha da yaxınlaşdırır, qarşılıqlı əməkdaşlıq potensialını gücləndirir Dövlət başçısı müştərək investisiya fondunun imkanlarından tam istifadə olunacağına ümidvar olduğunu bildirib, bir sıra layihələrin artıq işlənmə mərhələsində olduğunu bildirib, Azərbaycan və Qazaxıstanın üçüncü ölkələrə birgə sərmayə qoyması potensialına toxunub Prezident İlham Əliyev Qazaxıstanın xarici işlər və nəqliyyat nazirlərinin Azərbaycana səfərinin uğurlu olacağına əminliyini ifadə etdi Qəbula görə minnətdarlığını bildirən Qazaxıstanın xarici işlər naziri dövlətimizin başçısı ilə görüşməkdən şərəf duyduqlarını söylədi Yermek Koşerbayev Qazaxıstan Respublikasının Prezidenti Qasım-Jomart Tokayevin salamlarını dövlətimizin başçısına çatdırdı Prezident İlham Əliyev onun salamlarına görə minnətdarlığını bildirib, onun da salamlarının Qasım-Jomart Tokayevə çatdırılmasını xahiş edib Xarici işlər naziri vurğulamışdır ki, Azərbaycan Prezidenti Qazaxıstanda çox böyük hörmətə malikdir Görüşdə Azərbaycan ilə Qazaxıstan arasında əlaqələrin bir çox sahələrdə, o cümlədən siyasi, iqtisadi, nəqliyyat, logistika, investisiya, enerji, yaşıl enerji və digər sahələrdə uğurlu inkişafından məmnunluq ifadə olunub. Əməkdaşlığın daha da genişləndirilməsi üçün yaxşı imkanların olduğunu qeyd etdilər Tərəflər Orta Dəhliz, Transxəzər Yaşıl Enerji Dəhlizi və fiber-optik xətt layihələrinə toxunub, bu çərçivədə Azərbaycan və Qazaxıstan arasında uğurlu əməkdaşlığın olduğunu vurğulayıblar Azərbaycan və Ermənistan arasında normallaşma prosesinin, eləcə də Ermənistan ərazisindən keçən TRIPP layihəsinin regional əməkdaşlıq və nəqliyyat əlaqəsi baxımından rolu vurğulanıb Görüşdə, həmçinin iki ölkənin beynəlxalq təşkilatlar çərçivəsində uğurlu tərəfdaşlığı yüksək qiymətləndirilib və qarşılıqlı maraq doğuran digər məsələlər ətrafında fikir mübadiləsi aparılıb