Prezident İlham Əliyev Birləşmiş Ərəb Əmirliklərinin energetika və infrastruktur nazirini qəbul edib (FOTO/VİDEO)

BAKI, Azərbaycan, 17 may. Azərbaycan Respublikasının Prezidenti İlham Əliyev mayın 17-də Birləşmiş Ərəb Əmirliklərinin energetika və infrastruktur naziri Suhail Al Mazroueini qəbul edib Nazir əvvəlcə BƏƏ Prezidenti Şeyx Mohamed bin Zayed Al Nahyanın və BƏƏ-nin vitse-prezidenti, Baş naziri, Dubay Əmiri Şeyx Məhəmməd bin Rəşid Əl Məktumun salamlarını dövlətimizin başçısına çatdırdı Prezident İlham Əliyev salamlara görə minnətdarlığını bildirdi, onun da salamlarını Şeyx Məhəmməd bin Zayed Əl Nəhyana və Şeyx Məhəmməd bin Rəşid Əl Məktuma çatdırmağı xahiş etdi Suhail Al Mazrouei Bakının BMT-nin Ümumdünya Şəhər Forumunun (WUF13) 13-cü sessiyasına ev sahibliyi etməsi münasibətilə təbriklərini çatdıraraq, tədbirin qlobal şəhərsalma gündəmindəki kritik məsələlərin müzakirəsi üçün əla platforma olduğunu qeyd edib Söhbət zamanı tərəflər ikitərəfli münasibətlərin strateji tərəfdaşlığa əsaslanan genişlənməsini alqışladılar, müxtəlif sektorlar, o cümlədən siyasi, iqtisadi, enerji, xüsusilə də bərpa olunan enerji sahələrində əməkdaşlığın inkişafını vurğuladılar