Prezident İlham Əliyev Pakistanın Pəncab əyalətinin baş nazirini qəbul edib (FOTO/VİDEO)

BAKI, Azərbaycan, 17 may. Azərbaycan Respublikasının Prezidenti İlham Əliyev mayın 17-də Pakistan İslam Respublikasının Pəncab əyalətinin baş naziri Məryəm Nəvaz Şərifin başçılıq etdiyi nümayəndə heyətini qəbul edib Məryəm Nəvaz Şərif atası Məhəmməd Nəvaz Şərifin və Pakistanın Baş naziri Məhəmməd Şehbaz Şərifin salamlarını dövlətimizin başçısına çatdırdı Prezident İlham Əliyev salamlara görə minnətdarlığını bildirdi, onun da salamlarının Pakistanın Baş naziri Məhəmməd Nəvaz Şərifə çatdırılmasını xahiş etdi Dövlətimizin başçısı Ümummilli Lider Heydər Əliyev ilə Məhəmməd Nəvaz Şərif arasında dostluq münasibətlərini xatırladı BMT-nin Ümumdünya Şəhər Forumunun (WUF13) 13-cü sessiyasında iştirakdan məmnunluğunu bildirən baş nazir dəvətə görə Prezident İlham Əliyevə minnətdarlığını bildirib və tədbirin yüksək səviyyədə təşkilini yüksək qiymətləndirib. O, Bakıda şəhərsalma ilə bağlı mühüm qlobal məsələlərin müzakirə olunacağını vurğulayıb Bakının gözəlliyinin onda dərin təəssürat yaratdığını qeyd edən Məryəm Nəvaz Şərif Azərbaycan paytaxtını mədəniyyət və müasir şəhərsalma arasında harmoniyanın əlamətdar nümunəsi kimi dəyərləndirib Məryəm Nəvaz Şərif onu da bildirdi ki, Bakıya səfəri zamanı müasir Azərbaycanın qurucusu ümummilli lider Heydər Əliyevin məzarını ziyarət edib, xatirəsini dərin ehtiram və ehtiramla yad edib Görüşdə Azərbaycan ilə Pakistan arasında qardaşlıq münasibətlərinin və strateji tərəfdaşlığın inkişafından məmnunluq ifadə olunub. Siyasi, iqtisadi, diplomatik, müdafiə və digər sahələrdə əməkdaşlıq məsələləri müzakirə edilib, eyni zamanda, regionlararası əməkdaşlığın əhəmiyyəti və ticarət əlaqələrinin daha da genişləndirilməsi üçün güclü potensialın olduğu vurğulanıb. Əlavə olaraq qeyd olunub ki, Pakistanda Azərbaycanın “ASAN xidmət” təcrübəsinə əsaslanan mərkəzlər yaradılıb Prezident İlham Əliyev Azərbaycan-Pakistan əlaqələrinin hazırda Azərbaycan, Türkiyə və Pakistanın iştirak etdiyi üçtərəfli çərçivədə inkişaf etdiyini də vurğulayıb