Prezident İlham Əliyev Türkmənistanın Arkadağ Şəhər Tikintisi üzrə Dövlət Komitəsinin sədrini qəbul edib (FOTO/VİDEO)

BAKI, Azərbaycan, 17 may. Azərbaycan Respublikasının Prezidenti İlham Əliyev mayın 17-də Türkmənistan Prezidenti yanında Arkadağ Şəhərinin Tikintisi üzrə Dövlət Komitəsinin sədri Dəryagəldi Orazovu qəbul edib Deryagəldi Orazov Türkmənistanın Xalq Maslaxatının sədri Qurbanqulu Berdiməhəmmədovun salamlarını dövlətimizin başçısına çatdırdı Prezident İlham Əliyev salamlara görə minnətdarlığını bildirdi, onun da salamlarını Qurbanqulu Berdiməhəmmədova çatdırmağı xahiş etdi Görüşdə Dəryagəldi Orazov Azərbaycanın Ümumdünya Şəhər Forumunun (WUF13) 13-cü sessiyasına ev sahibliyi etməsi münasibətilə təbriklərini çatdırıb Dövlətimizin başçısı Türkmənistanın Füzulidə məscid tikmək təşəbbüsünə görə bir daha minnətdarlığını bildirdi və hazırda onun tikintisinin davam etdiyini bildirdi O, söhbət zamanı vurğulayıb ki, işğal dövründə bu ərazilər tamamilə dağıdılıb, şəhərlər Ermənistan tərəfindən yerlə-yeksan edilib. O, daha sonra qeyd edib ki, həmin ərazilərdə irimiqyaslı bərpa və yenidənqurma layihələri həyata keçirilir Dəryagəldi Orazov həyata keçirilən abadlıq layihələri ilə birbaşa yerində tanış olmaq üçün işğaldan azad edilmiş ərazilərə bir daha səfər edəcəyini bildirib