Prezident İlham Əliyev və birinci xanım Mehriban Əliyeva Cəbrayıl rayonunun Şükürbəyli kəndinin açılışında iştirak ediblər (FOTO)

BAKI, Azərbaycan, 9 may. Azərbaycan Respublikasının Prezidenti İlham Əliyev və birinci xanım Mehriban Əliyeva mayın 9-da Cəbrayıl rayonunun Şükürbəyli kəndinin açılışında iştirak ediblər Dövlətimizin başçısı əvvəlcə kənddə 360 şagird yerlik yeni məktəbin açılışını etdi Azərbaycan Respublikası Prezidentinin Cəbrayıl, Qubadlı və Zəngilan rayonları üzrə xüsusi nümayəndəsi Vahid Hacıyev, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Şükürbəylidə baş verənlərlə bağlı dövlətimizin başçısına və birinci xanıma məlumat verdilər Bildirilib ki, Şükürbəyli Cəbrayıl rayonunun eyniadlı inzibati ərazi vahidi tərkibində, rayon mərkəzindən 18 kilometr cənub-şərqdə düzənlikdə yerləşir Kənd 1993-cü ildə Ermənistan silahlı qüvvələri tərəfindən işğal olunub. İşğala qədər kənddə məktəb, klub, kitabxana və xəstəxana fəaliyyət göstərib, əhalisi əsasən üzümçülük, heyvandarlıq, taxılçılıq və ipəkçiliklə məşğul olub. Kənd 2020-ci ildə Vətən Müharibəsi illərində igid Azərbaycan Ordusu tərəfindən işğaldan azad edilib. Prezident İlham Əliyev 2023-cü ildə kəndin təməl daşını qoyub Sonra elm və təhsil naziri Emin Əmrullayev dövlətimizin başçısına və birinci xanıma məktəbdə yaradılan şərait barədə məlumat verdi Bildirilib ki, Azərbaycanın işğaldan azad edilmiş ərazilərində istifadəyə verilən digər yeni məktəblər kimi burada da müəllim və şagirdlər üçün hərtərəfli şərait yaradılıb. Təhsilin yüksək səviyyəsini təmin etmək üçün məktəb fənn kabinetləri, fizika, kimya və biologiya laboratoriyaları, habelə informatika, texnologiya və ilkin hərbi hazırlıq üzrə ixtisaslaşdırılmış otaqlarla təchiz edilmişdir. Bundan əlavə kitabxana, akt zalı, idman zalı və yeməkxana müəllim və tələbələrin istifadəsinə verilib. Məktəbin həyətində futbol və basketbol meydançaları da tikilib Müasir təhsil müəssisələrinin yaradılması işğaldan azad edilmiş ərazilərdə aparılan genişmiqyaslı yenidənqurma işlərinin mühüm tərkib hissəsidir. Ən yüksək standartlara cavab verən bu təhsil ocaqları müasir texnologiyalarla, zəruri maddi-texniki baza ilə təchiz olunub