Prezident İlham Əliyev və OTS Qeyri-rəsmi Zirvə Toplantısının iştirakçıları Türk Sivilizasiya Mərkəzinin təməlqoyma mərasimində iştirak ediblər (FOTO/VİDEO)

TÜRKİSTAN, Qazaxıstan, 15 may. Azərbaycan Respublikasının Prezidenti İlham Əliyev və mayın 15-də Türk Dövlətləri Təşkilatına üzv ölkələrin dövlət başçılarının qeyri-rəsmi Zirvə toplantısında iştirak edən digər prezidentlər Türk Sivilizasiya Mərkəzinin virtual təməlqoyma mərasimində iştirak ediblər Dövlət başçılarına Mərkəz barədə məlumat verilib Layihə türk xalqlarının zəngin tarixi, mədəni və mənəvi irsinin qorunması, öyrənilməsi və təbliğinə həsr olunub. Ən yüksək müasir standartlara cavab verən Mərkəzin əsas konsepsiyası türk sivilizasiyasının dünya tarixində özünəməxsus yeri, dərin fəlsəfəsi və çoxillik dövlətçilik ənənələri olan böyük sivilizasiya olduğunu nümayiş etdirməkdir Mərasim “GovTech” rəqəmsal həlləri haqqında təqdimatla davam etdi. Liderlərə Qazaxıstanda süni intellektin inkişafı ilə bağlı həyata keçirilən layihələr barədə məlumat verilib Təqdimat zamanı türk dövlətləri arasında bu sahədə əməkdaşlığın genişləndirilməsi üçün mühüm potensialın olduğu vurğulanıb