Prezident İlham Əliyev və birinci xanım Mehriban Əliyeva Cəbrayıl Rayon Mərkəzi Xəstəxanasının tikintisi ilə tanış olublar (FOTO)

BAKI, Azərbaycan, 9 may. Azərbaycan Respublikasının Prezidenti İlham Əliyev və birinci xanım Mehriban Əliyeva mayın 9-da 150 çarpayılıq Cəbrayıl Rayon Mərkəzi Xəstəxanasında tikinti işlərinin gedişi ilə tanış olublar Səhiyyə naziri Teymur Musayev dövlətimizin başçısına və birinci xanıma layihənin həyata keçirilməsində əldə edilmiş uğurlar və qarşıda duran mərhələlər barədə məlumat verdi Xəstəxananın təməl daşı 2021-ci ildə Prezident İlham Əliyev tərəfindən qoyulub. Kompleks 5 hektara yaxın ərazini əhatə edir. Xəstəxanada terapiya, cərrahiyyə, pediatriya, analıq, yoluxucu xəstəliklər, anesteziologiya-reanimasiya, hemodializ və digər şöbələr fəaliyyət göstərəcək. Bundan əlavə, poliklinika, radiologiya və funksional diaqnostika bölmələri, fizioterapiya və tibbi reabilitasiya şöbələri, həmçinin klinik diaqnostika laboratoriyası yaradılacaq. Hazırda əsas binada, yoluxucu xəstəliklər, hemodializ, poliklinika blokları, təcili tibbi yardım məntəqəsi, Cəbrayıl Rayon Gigiyena və Epidemiologiya Mərkəzində tikinti işləri davam etdirilir