Qazaxıstan polisi bir ay ərzində 12 ton yanacaq-sürtkü materialının qanunsuz ixracını dayandırıb

Bu gün dövlət sərhədindən keçən 48 avtomobil buraxılış məntəqəsində 59 patrul polis postu fəaliyyət göstərir. Yanacaq-sürtkü materiallarının qeyri-qanuni, o cümlədən yolsuzluq avtomobillərindən istifadə etməklə daşınmasının aşkar edilərək qarşısının alınması istiqamətində tədbirlər davam etdirilir Sərhəd bölgələrində yerləşən Cambil, Türküstan və Manqistau vilayətlərinə xüsusi diqqət yetirilir. Burada belə faktların qarşısının alınması və konstruksiyaları icazəsiz dəyişdirilmiş nəqliyyat vasitələrinin müəyyən edilməsi istiqamətində əlavə tədbirlər görülür Eyni zamanda, avtomobillərin qanunsuz olaraq yenidən təchiz edilməsini həyata keçirən və ya zəruri qeydiyyat və icazə sənədləri olmadan fəaliyyət göstərən texniki xidmət stansiyalarının fəaliyyətinin müəyyən edilməsi istiqamətində işlər davam etdirilir Belə ki, Korday rayonunun Korday kəndində polis əməkdaşları dövlət gəlirləri orqanlarının nümayəndələri ilə birlikdə əlavə yanacaq çənlərinin quraşdırılması ilə məşğul olan 16 texniki xidmət stansiyasına baxış keçirib. Yoxlamaların nəticələrinə əsasən 6 mülkiyyətçi barəsində inzibati materiallar toplanıb Təkcə son bir ayda polis 12 tona yaxın yanacaq-sürtkü materialının ixracını dayandırıb. Qaz çənləri dəyişdirilmiş 54 avtomobil müəyyən edilib. Onların sahibləri inzibati məsuliyyətə cəlb edilib Daxili İşlər Nazirliyi dövlətin iqtisadi təhlükəsizliyinin təmin edilməsi, o cümlədən neft məhsullarının və yanacaq-sürtkü materiallarının ölkə hüdudlarından kənara qanunsuz çıxarılmasının qarşısının alınması istiqamətində kompleks tədbirlərin həyata keçirilməsini davam etdirəcək. Bu iş daxili işlər nazirinin nəzarətindədir Bundan əvvəl Qazaxıstanda hədə-qorxu ilə pul tələb etmə hallarının 15% azaldığı bildirilirdi