Polis müdaxilə edib

1 May Əmək və Həmrəylik Günü Türkiyə daxilində bəzi nöqtələrdə coşğulu qeyd olunsa da, bəzi bölgələrdə təhlükəsizlik tədbirləri və müdaxilələrlə tamamlanıb. Tədbirlər gün ərzində davam etdi. Fərqli həmkarlar ittifaqına bağlı qruplar səhər saatlarından etibarən İstanbulun Gümüşsuyu küçəsində toplaşıb. İnqilabçı Həmkarlar İttifaqları Konfederasiyasının (DİSK) üzvləri kortejlə Taksim meydanına gedərək, Respublika Anıtı önünə əklil qoyublar. HAK-İŞ Konfederasiya üzvləri də eyni ərazidə yürüş edərək, Respublika Anıtı önünə əklil qoyublar. İstanbuldakı bir çox birlik və konfederasiya Taksim meydanında çələng təqdimatları etdi İstiqlal küçəsi dəmir baryerlərlə bağlanıb. Şəhərin bəzi bölgələrində geniş təhlükəsizlik tədbirləri görülərkən, İstanbulun bəzi yerlərində icazəsiz nümayişlərə və yürüş cəhdlərinə polis müdaxilə edib. Mecidiyeköy, Beşiktaş, Şişli və 15 İyul Şəhidlər Körpüsü ətrafında baş verən hadisələrdə saxlanılanlar olub. Şəhər daxilində saxlanılanların sayının 300-ü keçdiyi bildirilib. Taksim və ətraflarında geniş təhlükəsizlik tədbirləri görülərkən, İstiqlal küçəsi dəmir baryerlərlə bağlanıb, bəzi metro stansiyaları nəqliyyata bağlanıb İncəsənət tədbirləri təşkil edildi. Valiliyin qərarına əsasən, İstanbuldakı qeyd etmələrin əsas ünvanı Kadıköy Rıhtım Meydanı olub. DİSK, KESK, TMMOB və Türk Təbiblər Birliyinin rəhbərliyi ilə təşkil olunan tədbirə çoxlu sayda insan qatılıb. Söğütlüçeşme və Haydarpaşadan yürüşlərlə əraziyə gələn iştirakçılar mitinq sahəsini doldurub. Proqramda çıxışlar edilib, bədii tədbirlər təşkil olunub. İstanbulun digər qeyd etmə ünvanlarından biri də Kartal Meydanı idi. Buraya toplaşan qruplar təhlükəsizlik yoxlamalarından sonra əraziyə aparılarkən, gün boyu konsertlər və çıxışlar olub. 1 May bayramı Türkiyənin digər vilayətlərində də keçirilib. İzmirin Gündoğdu meydanında on minlərlə insanın qatıldığı tədbirdə konsertlər təşkil olunub. Zonguldakda mədənçilərin başçılıq etdiyi yürüşdə əmək vurğusu ön plana çıxıb. Həmkarlar birlikləri Ankaranın Ulus və Tandoğan meydanlarında bir araya gələrkən, Bursa və Ədirnədə də oxşar bayram tədbirləri keçirilib. Diyarbəkirdə İstasyon Meydanında geniş iştirakla tədbirlər keçirilib