Sərhədçilər Tacikistanla sərhəddə pozucuları dayandırmaq üçün atəş açmalı olublar

Bu gün, iyunun 16-da Qırğızıstan-Tacikistan dövlət sərhədinin Batken vilayətinin Kuruk-Sai ərazisindəki hissəsində sərhədçilər dövlət sərhədindən qanunsuz olaraq mal-qaranın keçirilməsinin qarşısını almaq üçün silahdan istifadə etməli olublar. Bu barədə Qırğız Respublikasının Dövlət Sərhəd Xidməti məlumat yayıb İdarənin məlumatına görə, saat 00:30 radələrində sərhədçilər 17 baş iribuynuzlu mal-qara və bir atı qaçaqmalçılıq yolu ilə Tacikistan ərazisinə keçirmək istəyən iki Qırğızıstan vətəndaşını aşkar ediblər. Onlar hasarın tikanlı məftillərini kəsərək dövlət sərhədinin mühəndis sədlərini zədələməkdə, bundan sonra heyvanları müəyyən edilmiş buraxılış məntəqələrindən kənarda dövlət sərhədindən keçirməyə cəhd etməkdə şübhəli biliniblər “Saxlanılan zaman sərhəd pozucuları müqavimət göstərib, sərhəd naryadının qanunsuz hərəkətlərinin qarşısının alınması ilə bağlı qanuni tələblərinə tabe olmayıblar.Qanunvericiliyin tələblərinə uyğun olaraq, baş sərhəd naryadı yuxarıya doğru iki dəfə xəbərdarlıq atəşi açıb.Xəbərdarlıq atəşinə baxmayaraq, sərhəd pozucuları qanunsuz hərəkətlərinin qarşısını almayıb, sərhəd naryadının əməliyyat-axtarış tədbirləri zamanı mövcud vəziyyətə qarşı fəal müqavimət göstərməyə davam ediblər. Dövlət sərhədində qanunsuz hərəkətlər edən şəxslər saxlanılıb, nəticədə sərhəd pozucularından biri aşağı ətraf nahiyəsindən güllə yarası alıb, daha sonra isə o, Batkən şəhərinin tibb müəssisəsinə aparılıb, əməliyyat olunub Tibb işçilərinin verdiyi məlumata görə, zərərçəkənin vəziyyəti qənaətbəxş qiymətləndirilir. Saxlanılan şəxslər növbəti prosessual tədbirlər görülməsi üçün daxili işlər orqanlarının əməkdaşlarına təhvil verilib. İstintaq davam edir