Xaricdəki tələbələri işəgötürənlərlə birləşdirəcək platforma işə salınacaq

Nüfuzlu xarici universitetlərdə təhsil alan özbək tələbələri yerli işəgötürənlərlə birləşdirəcək rəqəmsal kommunikasiya platforması bir ay ərzində istifadəyə veriləcək. Bu barədə prezident Şavkat Mirziyoyev bu gün, iyunun 30-da gənclərlə görüşü zamanı bildirib Bildirilib ki, hazırda ABŞ, Avropa, Yaponiya, Çin və Cənubi Koreyanın aparıcı ali təhsil müəssisələrində 14 mindən çox özbək gənc oğlan və qız təhsil alır Yeni platforma vasitəsilə xaricdə təhsil alan tələbələr tətil müddətində Özbəkistanın nazirliklərində, yerli idarələrində, dövlət təşkilatlarında və özəl şirkətlərində praktiki təlim keçmək və təcrübə keçmək imkanı əldə edəcəklər Prezident həmçinin qeyd edib ki, hər il 700-ə yaxın istedadlı gənc “El-Yurt Ümidi” Fondunun xətti ilə dünyanın ən nüfuzlu universitetlərinə təhsil almağa göndərilir "İslahatlarımızın ilkin mərhələsində istedadlı gənclərimizi xaricə təhsil almağa, əsasən, sonradan dövlət qurumlarında işləmək şərti ilə göndərirdik. Özəl sektorda da bu cür kadrlara ehtiyac günü-gündən artır. Bundan sonra gənclərimiz özəl sektorun sərəncamı əsasında "El-Yurt Ümidi" Fondunun xətti ilə xarici ölkələrin nüfuzlu universitetlərində də təhsil ala biləcəklər", - deyə prezident Şavkat Mirziyoyev bildirib Bundan əvvəl Özbəkistanda gənclərin xüsusi ballar alacağı Özbəkistan Gənclər Liqasının platformasının fəaliyyətə başlayacağı bildirilirdi