“PAŞA Kapital”ın 2025-ci il üzrə mənfəəti açıqlanıb

“PAŞA Kapital”ın 2025-ci ildə gəlirləri 9,9 milyon manata yüksəlib, aktiv bazası genişlənib, öhdəlikləri isə azalıb Day.Az Trend-ə istinadən bildirir ki, bunu "PAŞA Kapital"ın idarə heyətinin üzvü Elnur Fətullayev şirkətin 2025-ci il üzrə maliyyə nəticələrinə həsr olunmuş mətbuat konfransında deyib Onun sözlərinə görə, şirkətin gəlirləri 2024-cü illə müqayisədə 18% artaraq 8,4 milyon manatdan 9,9 milyon manata çatıb. Gəlirlərin böyük hissəsi komissiya gəlirlərindən əldə edilib. 2025-ci ildə onlar 6,3 milyon manata çatıb. Bundan əlavə, şirkət 2,4 milyon manat xalis faiz gəliri əldə edib E.Fətullayev qeyd edib ki, komisyon gəlirlərinin strukturunda broker xidmətləri üstünlük təşkil edir. Onlar ümumi gəlirin 69,7%-ni təşkil edib. Anderraytinq xidmətlərinin payı 28,8%, digər əməliyyatlar 1,5% təşkil edib İdarə Heyətinin üzvü həmçinin şirkətin xalis mənfəətinin artım göstərdiyini bildirib. 2024-cü ildə 2,2 milyon manat olan bu rəqəm 2025-ci ildə 2,5 milyon manata yüksəlib ki, bu da 13% artım deməkdir Onun sözlərinə görə, şirkətin maliyyə vəziyyətində də müsbət dinamika qeydə alınıb. Aktivlər 56,1 milyon manatdan 64,8 milyon manata yüksəlib, öhdəliklər isə 47,6 milyon manatdan 46,1 milyon manata düşüb. Kapital 16,5 milyon manatdan 18,7 milyon manata yüksəlib E.Fətullayev əlavə edib ki, 2025-ci ildə xalis mənfəət marjası 25,3%, kapitalın gəlirliliyi isə 14,5% təşkil edib O vurğulayıb ki, dərc olunmuş göstəricilər “PAŞA Kapital”ın dayanıqlı inkişafını, maliyyə sabitliyinin möhkəmləndirilməsini və kapital bazarında mövqelərinin möhkəmlənməsini əks etdirir Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin