Pakistanın Azərbaycandakı səfirliyi “Haqq Savaşı”nın ildönümünə həsr olunmuş tədbir keçirib - FOTO

Pakistanın Azərbaycandakı səfirliyində “Haqq Savaşı”nın (“Marka-e-Haq”) bir illiyinə həsr olunmuş tədbir keçirilib APA xəbər verir ki, tədbirdə çıxış edən Pakistanın Azərbaycandakı səfiri Qasım Mohiuddin bildirib ki, “Haqq Savaşı” Pakistanın milli tarixində həlledici məqamlardan biri kimi qiymətləndirilir Səfir qeyd edib ki, bu tarix yalnız təqvimdə adi bir gün deyil, cəsarət, birlik və qətiyyətin simvoludur Diplomat vurğulayıb ki, Hindistanın Pakistana qarşı hücumları zamanı Azərbaycan xalqının Pakistanla həmrəylik nümayiş etdirməsi Pakistan üçün qürurverici olub Qasım Mohiuddin bildirib ki, Pakistan BMT Nizamnaməsinə uyğun şəkildə özünümüdafiə hüququndan istifadə edib Diplomat əlavə edib ki, Pakistan sülh tərəfdarı olsa da, öz suverenliyi, ərazi bütövlüyü və siyasi müstəqilliyi ilə bağlı heç vaxt güzəştə getməyəcək Qasım Mohiuddin çıxışında Cənubi Asiyada davamlı sülhün təmin olunması üçün əsas məsələlərin, xüsusilə də Cammu və Kəşmir probleminin BMT Təhlükəsizlik Şurasının qətnamələri və xalqın iradəsi əsasında həllinin vacibliyini vurğulayıb Səfir həmçinin Pakistan hökuməti və xalqının Azərbaycanın Hindistanın nəzarəti altında olan Cammu və Kəşmirlə bağlı, eləcə də ötən il Hindistanın Pakistana qarşı addımlarına münasibətdə göstərdiyi mənəvi və diplomatik dəstəyi yüksək qiymətləndirdiyini bildirib