Pakistanda şiddətli yağışlar nəticəsində azı 45 nəfər ölüb

Martın 25-dən etibarən Pakistanın şimal-qərbində yerləşən Xayber Paxtunxva əyalətində yağan güclü yağışlar nəticəsində azı 45 nəfər həlak olub, 105 nəfər yaralanıb AZƏRTAC xəbər verir ki, bu barədə “Geo TV” yerli hakimiyyət orqanlarına istinadla məlumat yayıb Vilayətin fövqəladə halların idarə olunması agentliyinin məlumatına görə, bölgə sakinləri əsasən sel sularının yuyub apardığı tikililərin uçması nəticəsində zərər çəkiblər. Ümumilikdə 442 evə ziyan dəyib, onlardan 60-ı tamamilə dağılıb Qurum 6–9 aprel tarixlərində yenidən güclü yağışların gözlənildiyi barədə xəbərdarlıq edib və sakinlərə təcili ehtiyac olmadığı halda təbii fəlakətlərə daha çox məruz qalan ərazilərə səfər etməmələri tövsiyə olunub 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır