Paşinyan İrəvanda Türkiyə bayrağının yandırılmasına sərt reaksiya verib

Ermənistanın paytaxtı İrəvanda Daşnaksütyun Erməni İnqilabi Federasiyasının (ARF-D) təşkil etdiyi məşəl yürüşü diplomatik böhrana yol açan aksiyanın şahidi olub. Yürüş zamanı Türkiyə bayrağının yandırılması Ermənistanın baş naziri Nikol Paşinyan tərəfindən sərt şəkildə tənqid edilib. Paşinyan sözügedən hərəkəti “açıq-aşkar təxribat xarakterli” adlandırsa da, belə davranışın regionda gərginliyi artırmaqdan başqa heç bir məqsədə xidmət etmədiyini vurğulayıb Ermənistan baş nazirliyinin sözçüsü Nazeli Bağdasaryan məsələ ilə bağlı rəsmi açıqlamasında Paşinyanın reaksiyasını ətraflı açıqlayıb. Bağdasaryan bəyan edib ki, beynəlxalq hüquqda tanınan dövlətin, xüsusən də qonşu ölkənin suverenlik simvollarına qarşı bu cür hücumlar “məsuliyyətsizlikdir”. Hökumətin verdiyi açıqlamada bu hərəkətin qəbuledilməz olduğu və dövlət xadiminin ciddiliyinə uyğun olmadığı bildirilib