Geomaqnit qasırğası gözlənilir

İyunun 4-də günəş aktivliyi yüksək olacaq. Geomaqnit qasırğası gözlənilir Day.Az xəbər verir ki, Bakı Dövlət Universitetinin Fizika fakültəsinin Astrofizika kafedrasından APA-ya verilən məlumata görə, Günəşin səthində mütəmadi olaraq baş verən C sinfi (zəif) alışmalarla yanaşı, M sinfi (R1-R2, zəif və orta intensivlik), həmçinin tac kütləsinin atılması da qeydə alınıb Nəticədə iyunun ortalarında Yer yaxınlığından plazma buludunun keçəcəyi proqnozlaşdırılır Bildirilir ki, iyunun 4-də saat 15:00-dan sonra Kp=5 indeksli G1 səviyyəli geomaqnit qasırğası gözlənilir. İyunun 5-i səhər saatlarına qədər davam edəcək. Gecə yarısına yaxın (iyunun 5-i saat 00:00-dan 03:00-a kimi) fırtınanın intensivliyinin Kp=6-a çatacağı proqnozlaşdırılır İyunun 5-i saat 09:00-dan sonra geomaqnit vəziyyət sakit fona qayıdacaq Bu proses aşağı Yer orbitindəki kosmik gəmilərə təsir göstərə bilər Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin