Avarçəkmə və Kanoe üzrə Bakı Açıq Çempionatı

İyunun 18-də Bakı Şəhər Gənclər və İdman Baş İdarəsinin və Azərbaycan Su İdmanı Federasiyasının birgə təşkilatçılığı ilə avarçəkmə və kanoe üzrə açıq Bakı birinciliyi keçiriləcək. Yarış Bakı bulvarında, Su İdmanı Federasiyasının qarşısında (Suraxanı muzey gəmisinin yaxınlığında) keçiriləcək Çempionatda paytaxt Bakı və Mingəçevirdən 100-ə yaxın avarçəkən iştirak edəcək. Yarış oğlanlar və qızlar arasında üç yaş kateqoriyasında (2008–2009, 2010–2011, 2012–2013) keçiriləcək. İştirakçılar tək qayıqlarda avarçəkmə və kanoe, həm tək, həm də ikiqat qayıqda kayak idmanı üzrə yarışacaqlar. Bütün tədbirlərdə məsafə 500 metr olacaq Qaliblər diplom və medallarla təltif olunacaqlar Qeyd edək ki, Bakı açıq çempionatının əsas məqsədlərindən biri idmançıların hazırlıq səviyyəsini yoxlamaq və onlar arasında rəqabəti artırmaqdır. Hər kəsi yarışı izləməyə və idmançılara dəstək olmağa dəvət edirik!