Rusiyada vətənpərvərlik tərbiyəsinə xərclər 20 dəfə artıb

Ukraynaya qarşı müharibə başlayandan bəri Rusiya vətənpərvərlik tərbiyəsinə əvvəlkindən 20 dəfə çox vəsait ayırıb. 2021-ci ildə hökumət bu məqsədlə 3,4 milyard rubl, bu il isə 70 milyard rubl xərcləyib. Bu barədə cümə axşamı "Novaya qazeta" nəşri məlumat yayıb. Qəzet bu sahədə bağlanmış müqavilələri araşdırıb Məlumata görə, “Biz birlikdəyik” federal layihəsinə ayrılan 70 milyard rublun böyük hissəsi İnternetin İnkişafı İnstitutuna, 10 milyardı “Birincilər Hərəkatı”na, daha 7,4 milyardı isə vətənpərvərlik tərbiyəsi sistemi çərçivəsindəki proqramlara ayrılıb Bu pullar hərbi festivalların maliyyələşdirilməsinə, atıcılıq poliqonlarının təchiz edilməsinə, uşaq hərbi şəhərciklərinin təşkilinə, teleserialların, videoçarxların çəkilməsinə, “müxtəlif səviyyəli” konsertlərin keçirilməsinə sərf olunacaq Qəzet misal kimi Penzada müğənni Sergey Mitrofanovun 180 min rubla konsertinin təşkil olunduğunu göstərir. Krasnoyarsk vilayətində Aleksandrov ansamblının konsertinə bir milyon rubl xərclənib Novosibirskdə “Kalaşnikov” avtomatlarının maketləri alınıb, Leninqrad vilayətində isə minaaxtaran avadanlıqların, dronların, lazer göstəricilərin alınmasına külli miqdarda pul xərclənib İşim şəhərində 12 milyon rubla zirehli qatarın maketini, Lipetskdə isə milyon rubla “Katyuşa” şadlıq kompleksi tikiblər “Azattyk” nəşrinin son xəbərində “Rusiyanın qulluqçusu” andı içən “hərbi heyət”in hazırda Qırğızıstandakı Kant aviabazasında təlim keçdiyi bildirilir 6-7 yaşdan 18 yaşa qədər olan tələbələrə silahdan atəş açmaq, yaralılara kömək etmək kimi döyüş bacarıqları öyrədilir. Bəzi analitiklər bildirirlər ki, Rusiya son illər Qırğızıstanda öz ideologiyasını fəal şəkildə təbliğ edir. Bu arada Qırğızıstandakı milli mərkəz və kitabxanalar “Qələbə diktəsi” və “Coğrafi diktə” kampaniyaları ilə rus təbliğatının yayılmasına fəal töhfə verirlər