Hörmüz kompensasiya müqabilində - yenilənib 18:28

İran ABŞ-a Vaşinqtondan təzminat qarşılığında Hörmüz boğazını açmağı təklif edib. Bu barədə Səudiyyə Ərəbistanının “Al Arabiya” telekanalı diplomatik mənbələrə istinadən məlumat yayıb "İran ABŞ-ın təzminat ödəməsi müqabilində Hörmüz boğazını açmağı təklif edib", - telekanalın həmsöhbətləri iddia edirlər. Onların sözlərinə görə, İran ABŞ-la dolayı danışıqlarda vasitəçi kimi çıxış edən Pakistana iki təklif verib. İran rəsmiləri həmçinin “hər hansı bir saziş imzalamazdan əvvəl sanksiyaların və dondurulmuş aktivlərin dosyesini müzakirə etməyi” təklif ediblər Bundan əvvəl İslam Respublikası Xarici İşlər Nazirliyinin rəsmi nümayəndəsi İsmail Bəqayi ABŞ-la danışıqların hazırkı mərhələsində nüvə dosyesi və sanksiyaların ləğvi məsələsinə toxunulmayacağını bildirmişdi. Onun sözlərinə görə, məhdudiyyətlərin ləğvi tələbi İranın “dəyişməz mövqeyidir” və saziş üzərində iş başa çatdıqdan sonra “növbəti mərhələlərdə” müzakirə olunacaq Cümə günü Pakistan ordusunun komandanı feldmarşal Asim Munir vasitəçilik missiyası çərçivəsində Tehrana gəlib. O, artıq İranın xarici işlər naziri Abbas Əraqçi və İran parlamentinin sədri Məhəmməd-Bağer Qalibafla görüşlər keçirib. ISNA agentliyinin qeyd etdiyi kimi, İslamabadın səyləri fikir ayrılıqlarını aradan qaldırmağa yönəlib, lakin komandirin səfəri “orijinal şərtlərlə qarşılıqlı anlaşmaya nail olmaq demək deyil” İran Xarici İşlər Nazirliyinin sözçüsü İsmail Bəqayi Pakistan ordusunun komandanı Asim Münirin Tehrana səfərinin İran və ABŞ arasında mesaj mübadiləsi məqsədi daşıdığını təsdiqləyib. O qeyd edib ki, tərəflər mübahisəli məqamlarla bağlı dəfələrlə fikir mübadiləsi aparıblar və mövqeləri yaxınlaşıb, lakin bu, razılığın əldə olunmasından danışmaq üçün hələ kifayət deyil Diplomatın sözlərinə görə, danışıqların hazırkı mərhələsi İranın nüvə proqramının təfərrüatlı müzakirəsinə deyil, bütün regionda, o cümlədən Livanda münaqişələrin dayandırılmasına yönəlib. O qeyd edib ki, sanksiyaların yumşaldılması və İranın aktivlərinin dondurulması müzakirə olunan 14 bəndlik memorandumda yer alıb, lakin təfərrüatlı nüvə danışıqları yalnız sonrakı mərhələdə başlayacaq Xarici İşlər Nazirliyinin rəsmisi həmçinin Amerika tərəfinin ziddiyyətli mövqeyini tənqid edərək bildirib ki, Tehran danışıqlar prosesinin mütləq irəliləyişə səbəb olacağını güman edə bilməz Hörmüz boğazı məsələsinə gəlincə, Bəqayi vurğulayıb ki, bu mövzu “ABŞ-a heç bir aidiyyatı yoxdur” və sırf İran və qonşu sahilyanı dövlətlərə aiddir