Okan Burukdan Fənərbaxça derbisi üçün sürpriz qərar

Trendyol Superliqasının 31-ci həftəsində "Fənərbaxça"nın qonağı olacaq "Qalatasaray"ın baş məşqçisi Okan Buruk derbi öncəsi diqqətçəkən seçim edib. Qolu sındığı üçün oynaması çətin hesab edilən Viktor Osimhenin əvəzedici heyətlə başlayacağı gözlənildiyi halda, təcrübəli çalışdırıcı fərqli qərar verib “Sabah” qəzetində yer alan xəbərə görə, Okan Buruk bütün hazırlıqlarını Viktor Osimhen üzərində qurub. Nigeriyalı hücumçunun derbiyə ilk 11-də başlayacağı dəqiq olsa da, Mauro İkardinin ehtiyat oyunçular skamyasında oturacağı bildirilir 35 gündən sonra meydana qayıdan Osimhen Ziraat Türkiyə Kubokunda "Gençlerbirliği" ilə matçda 17 dəqiqə meydanda olub. Qolundakı sınığa görə xüsusi avadanlıqla oynayan ulduz futbolçunun vəziyyəti müzakirə mövzusu olub Digər tərəfdən, Fənərbaxça cəbhəsi Osimhenin istifadə etdiyi qoruyucu vasitələrin digər futbolçular üçün risk yaratdığını əsas gətirərək Türkiyə Futbol Federasiyasına müraciət edib. Sarı-göylər komanda IFAB qaydalarına istinad edərək, futbolçunun meydana çıxmaması barədə hesabat təqdim edib